قیوم آباد سے قائدآباد تک ملیر ایکسپریس وے پر کام شروع
ایڈمنسٹریٹر کراچی مرتضیٰ وہاب نے تعمیراتی کام کا جائزہ لیا، ایکسپریس وے کی عارضی کچی سڑک کو ہموار کیا جا رہا ہے۔
ایڈمنسٹریٹر کے ایم سی بیرسٹر مرتضیٰ وہاب نے ملیر ایکسپریس وے سائٹ کا دورہ کیا، انہوں نے قیوم آباد سے قائد آباد تک ملیر ایکسپیرس وے کی سائٹ کا معائنہ کیا۔
اس موقع پر مرتضیٰ وہاب نے کہا کہ ملیر ایکسپریس وے کے ابتدائی کام کا آغاز کر دیا گیا ہے، ایکسپریس وے کی عارضی کچی سڑک کو ہموار کیا جا رہا ہے۔
یہ بھی پڑھیے
نیوزی لینڈ کرکٹ بورڈ نے آئندہ برس دورہ پاکستان کی تصدیق کردی
رینجرز اور پولیس شادی ہالز میں کورونا ایس او پیز کا جائزہ لے گی
ملیر ایکسپریس وے پر جاری تعمیراتی کام کے حوالے سے بیرسٹر مرتضیٰ وہاب کو بریفنگ بھی دی گئی۔ سیکریٹری محکمہ بلدیات نجم شاہ، زبیر چنا، خالد شیخ ایڈمنسٹریٹر کراچی کے ہمراہ تھے۔
Very happy to have visited the site where Malir Expressway is being constructed. Route from Korangi (near Imtiaz Supermarket) till Quaidabad has been made which is now being levelled/compacted. On this kacha/temporary road it took me me minutes to reach Quaidabad #KarachiWorks pic.twitter.com/psxjw3QEEe
— Murtaza Wahab Siddiqui (@murtazawahab1) January 24, 2022
اس حوالے سے ایڈمنسٹریٹر کراچی نے ٹویٹ کرتے ہوئے کہا کہ ملیر ایکسپریس وے کی تعمیراتی سائٹ کا دورہ کر کے بہت خوش ہوں۔
ان کا کہنا تھا کہ کورنگی سے قائدآباد تک کا نیا روٹ بن چکا ہے، مجھے اس کچے راستے پر سفر کر کے قائدآباد پہنچنے میں چند منٹ لگے۔