جیو نیوز کے بعد بزنس ریکارڈر کے ملازمین بھی تنخواہوں کے مسائل سے دو چار

ملک کے سب سے بڑے میڈیا گروپ جیو نیوز کے بعد ملک کے ایک اور  بڑے صحافتی ادارے بزنس ریکارڈر کے ملازمین بھی تنخواہوں سے متعلق اپنی پریشانیاں منظر عام پر لے آئے ۔

پاکستان کے بڑے فنانشل نیوز پیپر بزنس ریکارڈر سے منسلک خاتون صحافی نزہت مظہر نے ادارے میں تنخواہوں اور دیگر مالی سہولیات کی عدم فراہمی  سے متعلق بھانڈا پھوڑ دیا  ہے ۔

یہ بھی پڑھیے

جیو نیوز میں تنخواہوں پر احتجاج؛ لاکھوں روپے سیلری والے اینکرز بھی پریشان

سینئر ایگزیکٹو پروڈیوسر جیو نیوز مدثر سعید  نے جیو نیوز میں تنخواہوں میں اضافے اور بروقت  ادائیگی سے متعلق احتجاج کی وڈیو شیئر کی جسے صحافی نزہت مظہر نے اسے ری ٹوئٹ کیا  ۔

نیوز پیپر بزنس ریکارڈ سے منسلک خاتون صحافی نزہت مظہر نے جیو نیوز کے ملازمین کے احتجاج پر کہا کہ میں ان کا درد محسوس کر سکتی ہوں کیونکہ ہم بھی اسی صورتحال کا شکار ہیں۔

I feel them..
Meanwhile, we are suffering from 20% deduction in our salaries in this tough times. It's been 4 5 years to the last increments..we didn't get leave encashment for last 2 years, provident fund is just out of question. No Eid bonus or any other benefit in these years https://t.co/amN6e4Ycjr

— Nuzhat Nazar (@NuzhatNazar) March 16, 2023

صحافی نزہت مظہر نے اپنے ٹوئٹ پیغام میں کہا کہ بزنس ریکارڈر کے ملازمین بھی اس مشکل وقت میں 20 فیصد کٹوتی کا شکار ہیں  جبکہ تنخواہوں میں  پانچ سال کو اضافہ بھی نہیں ہوا ۔

بزنس ریکارڈر سے منسلک  خاتون صحافی نزہت مظہر نے بتایا کہ پانچ سال سے تنخواہوں میں اضافہ بھی نہیں ہوا جبکہ گزشتہ 2 سال سے چھٹیوں کی رقم بھی نہیں مل رہی ہے ۔

انہوں نے مزید کہا کہ اس  مشکل وقت میں جب دو سالوں سے چھٹیوں کی رقم  نہیں ملی تو پراویڈنٹ فنڈ کا تو سوال ہی پیدا  نہیں ہے جبکہ عید پر   بونس یا کوئی اور مالی  فائدہ نہیں ملا ۔

واضح رہے کہ تقریباً گزشتہ ایک ماہ سے جیو نیوز  کے صحافیوں اور میڈیا ورکرز سے اپنی تنخواہوں میں 150 فیصد اضافے اور بروقت ادائیگیوں کے لیے احتجاج شروع کر رکھا ہے ۔