سائفر کیس: شاہ محمود قریشی کے جسمانی ریمانڈ میں 2 دن کی توسیع

سائفر کیس میں شاہ محمود قریشی کی مشکلات کم نہ ہوسکیں، آفیشل سیکرٹ ایکٹ عدالت نے مزید 2 روز کا جسمانی ریمانڈ دیدیا۔

سابق وزیر خارجہ شاہ محمود قریشی کو تین روزہ ریمانڈ مکمل ہونے پر آفیشل سیکرٹ ایکٹ عدالت میں پیش کیا گیا، جہاںجج ابوالحسنات ذوالقرنین نے کیس کی ان کیمرہ سماعت کی۔

آفیشل سیکرٹ ایکٹ عدالت کے جج ابوالحسنات ذوالقرنین نے دلائل مکمل ہونے محفوظ کیا گیا فیصلہ سناتے ہوئے پی ٹی آئی رہنماء شاہ محمود قریشی کے جسمانی ریمانڈ میں 2 دن کی توسیع کردی۔

عدالت نے ریمارکس میں کہا کہ کیس میں پیشرفت نہیں ہوئی تو مزید جسمانی ریمانڈ نہیں دیا جائے گا۔