متنازع ٹوئٹ کیس، اعظم سواتی کے دائمی وارنٹ جاری
اسپیشل جج سینٹرل اسلام آباد کی عدالت نے تحریکِ انصاف کے رہنما اعظم سواتی کے متنازع ٹوئٹ کرنے کے کیس میں دائمی وارنٹ جاری کر دیے۔
عدالت نے قرار دیا کہ اشتہاری قرار دینے کی کارروائی کے باوجود اعظم سواتی عدالت سے مسلسل غیر حاضر ہیں۔
متنازع بیان کیس: اعظم سواتی کے وارنٹ گرفتاری جاری
اس سے قبل اسپیشل جج سینٹرل نے اعظم سواتی کے خلاف اشتہاری قرار دینے کی کارروائی کا آغاز بھی کیا تھا۔
اعظم سواتی پر سرکاری افسران کے خلاف متنازع ٹوئٹ کرنے پر مقدمہ درج کیا گیا تھا اور کہیں بھی نظر آنے پر ایف آئی اے کو اعظم سواتی کو گرفتار کر کے عدالت میں پیش کرنے کا حکم دیا گیا تھا۔
