رفح کراسنگ کھل گئی، 400 سے زائد غیر ملکی شہری اور زخمی غزہ سے مصر داخل

مصر جانے والی رفح کراسنگ تین ہفتوں سے زائد عرصے میں پہلی بار عام شہریوں کے لیے کھلنے کے بعد 400 سے زائد افراد غزہ چھوڑ چکے ہیں۔

فلسطینی حکام کا کہنا ہے کہ اب تک 335 غیر ملکی پاسپورٹ رکھنے والے اور 76 زخمی غزہ چھوڑنے میں کامیاب ہو چکے ہیں۔ غزہ چھوڑنے والوں میں برطانوی اور امریکی شہری بھی شامل ہیں جو علاقے سے باہر نکلے ہیں۔

فلسطینی وزارت صحت کا کہنا ہے کہ اسرائیل کی بمباری شروع ہونے کے بعد سے اب تک 8700 سے زائد افراد ہلاک ہو چکے ہیں۔