پنجاب میں وزیر اطلاعات کی جگہ معاون خصوصی کی تقرری

پاکستان کے صوبہ پنجاب میں حکمراں جماعت پاکستان تحریک انصاف نے وزیر اطلاعات فیاض الحسن چوہان کو دوسری مرتبہ محکمہ اطلاعات سے سبکدوش کرنے کا فیصلہ کیا ہے اور وزیرِ اعظم کی سابق معاون خصوصی برائے اطلاعات فردوس عاشق اعوان کو وزیر اعلی پنجاب کی معاون خصوصی برائے اطلاعات تعینات کر دیا ہے۔  

پنجاب حکومت نے ایک نوٹیفکیشن کے ذریعے فردوس عاشق اعوان کو وزیر اعلیٰ پنجاب عثمان بزدار کی معاون خصوصی برائے اطلاعات مقرر کردیا گیا۔

تا حال حکومت پنجاب، فیاض الحسن چوہان یا پھر فردوس عاشق اعوان نے اِن تبدیلیوں کی وجوہات کے بارے میں تذکرہ کیا ہے۔

پنجاب سروسز اینڈ جنرل ایڈمنسٹریشن کے نوٹیفکیشن کے مطابق فیاض الحسن چوہان جو اطلاعات کے ساتھ ساتھ وزیر کالونیز بھی تھے اب صرف وزیر کالونیز کا قلمدان سمبھالیں گے۔

I am greatly humbled and honored with the confidence that my great leader Imran Khan has shown in myself and my ability. I am also deeply thankful to the honourable CM Punjab for making me a part of his team. I will do my level best to honour this call to duty. pic.twitter.com/97OhvWKx1d

— Dr. Firdous Ashiq Awan (@Dr_FirdousPTI) November 2, 2020

یہ تبدیلی صرف وزارت اطلاعات میں ہی نہیں ہوئی بلکہ صوبائی وزیر کوآپریٹو مہر محمد اسلم اور صوبائی وزیر جیل خانہ جات زوار حسین وڑائچ سے بھی ان کے قلمدان واپس لے لیے گئے ہیں۔

فردوس عاشق اعوان نے نوٹی فکیشن جاری ہونے کے بعد ایک ٹویٹ کی ہے جس میں وزیر اعظم کا شکریہ ادا کیا گیا ہے۔

فردوس عاشق اعوان 2008 میں پاکستان پیپلز پارٹی کے دور حکمرانی میں وفاقی وزیر اطلاعات رہ چکی ہیں۔