کراچی میں یورپی معیار کی الیکٹرک بسیں آئیں گی

صوبائی وزیر ٹرانسپورٹ شرجیل انعام میمن  نے ترکش کمپنی البیارک کے ڈائریکٹر جمیل شن اوجاک سے ملاقات  کی جس میں کراچی میں پبلک ٹرانسپورٹ سے متعلق گفتگو ہوئی۔ ملاقات میں سیکرٹری ٹرانسپورٹ عبدالحلیم شیخ، ایم ڈی سندھ ماس ٹرانزٹ اتھارٹی کیپٹن ریٹائرڈ الطاف حسین بھی موجود تھے۔

سندھ کے وزیر ٹرانسپورٹ شرجیل انعام میمن سے ترکی کی کمپنی البیارک  کے ڈاریکٹر شن اوجاک نے ملاقات کی۔  صوبائی وزیرٹرانسپورٹ نے ترکش کمپنی کو کراچی میں یورپی معیار کی الیکٹرک بسیں لانے کی پیش کش کردی۔

یہ بھی پڑھیے

موسم کی صورتحال: کراچی میں 22-23 جون کو پری مون سون بارشوں کا امکان

اس موقع پر  گفتگو کرتے ہوئے  شرجیل انعام مین نے کہا کہ کراچی میٹرو پولیٹن شہر ہے جہاں بزنس کے بہترین مواقع موجود ہے۔ محکمہ ٹرانسپورٹ سندھ نے شہر میں ہزاروں  بسیں لانے کی منصوبہ بندی کی ہے ۔  کراچی میں ریڈ لائن ، اورینج لائن ، پیپلز بس سروس اور یلو لائن کے تحت جدید بی آر ٹی سسٹم کی منصوبہ بندی کی ہے ۔

 صوبائی وزیر ٹرانسپورٹ  نے  ترکش کمپنی کے ڈائریکٹر کو دھابیجی فری اکنامک زون میں مینوفیکچرنگ پلانٹ لگانے کی بھی دعوت دیتےہوئے کہا کہ سندھ حکومت ترکش کمپنی کے ساتھ پبلک پرائیویٹ پارٹنرشپ سمیت پبلک ٹرانسپورٹ میں سرمایہ کاری پر سبسڈی دینے کے لیے بھی تیار ہے ۔

شرجیل میمن کا کہنا تھا کہ پاکستان اور ترکی کے بہترین تعلقات ہیں۔ ہم چاہتے ہیں کہ ترکش کمپنیاں سندھ میں پبلک ٹرانسپورٹ کے شعبے میں سرمایہ کاری کریں۔

صوبائي وزير نے بتایا کہ ترکی کے دورے کے دوران ان کی ترک نائب وزیر ٹرانسپورٹ سے ملاقات ہوئی ،  انہیں بھی سندھ میں پبلک ٹرانسپورٹ میں سرمایہ کاری کی دعوت دی ہے ۔

البیارک گروپ ڈائریکٹر جمیل شن اوجاک نے کہا کہ پاکستان میں کام کرنے پر ہمیں فخر محسوس ہوتا ہے ۔ ہم چاہیں گے پاکستان کے سب سے بڑے شہر کراچی میں پبلک ٹرانسپورٹ کے شعبے میں کام کریں ۔ اس سلسلے میں جلد از جلد پروپوزل بنائیں گے۔