کراچی میں بارش ہوتے ہی مرتضیٰ وہاب اور سعید غنی کرونا کاشکار
سندھ کابینہ میں کراچی کی نمائندگی کرنے والے واحد وزیر سعید غنی نے عید کے روز کرونا میں مبتلا ہونے کا اعلان کیا، ایڈمنسٹریٹر کراچی مرتضیٰ وہاب شہر میں شدید بارشوں کے باوجود کرونا کا ٹیسٹ کرائے بغیر گوشہ نشین ہوگئے
کراچی میں بارش کی پہلی بوند گرتے ہی شہر کے ایڈمنسٹریٹر مرتضیٰ وہاب اور صوبائی کابینہ میں شہر کی نمائندگی کرنے والے واحد وزیر سعید غنی کرونا وبا کا شکار ہوگئے ۔
ایڈمنسٹریٹر اورصوبائی وزیر آئسولیشن میں آرام کرتے رہے اور بارش کے پانی میں پھنسے شہری دہائیاں دیتے رہ گئے۔
یہ بھی پڑھیے
کراچی میں موسلادھار بارش، شہر پانی میں ڈوب گیا، کرنٹ لگنے سے 3 افراد جاں بحق
بارش نے سندھ حکومت اور مرتضیٰ وہاب کی کارکردگی کو ڈبو دیا
ایڈمنسٹریٹر کراچی مرتضیٰ وہاب نے بارش کے بعد شہرکی صورتحال دیکھتے ہوئے آئسولیشن میں جانے کو عافیت جانا۔انہوں نے کرونا کا ٹیسٹ کروائے بغیر علامات کی بنیاد پر ہی خود کرونا سے متاثرہ قرار دیکر گوشہ نشینی اختیار کرنے کا اعلان کردیا۔
I have developed certain symptoms of Covid since yesterday. Have decided to isolate myself & get tested.
— Murtaza Wahab Siddiqui (@murtazawahab1) July 12, 2022
ایڈمنسٹریٹر کراچی مرتضیٰ وہاب نے پیر کو اپنے ٹوئٹ میں لکھا کہ میرے اندر گزشتہ روز سے کرونا کی علامات ظاہر ہوئی ہیں جس کے بعد خود کو آئسولیٹ کرنے اور ٹیسٹ کرانے کا فیصلہ کیا ہے۔
میری طبعیت گذشتہ کچھ روز سے ٹھیک نہیں تھی چار روز قبل ٹیسٹ کروانے پر معلوم ہوا کہ میں دوسری مرتبہ کرونا میں مبتلا ہوچکا ہوں۔ ڈاکٹر کی ہدایت کے مطابق میں نے خود کو isolate کیا ہوا ہے۔ معمولی علامات کے علاوہ میری طبیعت بہتر ہے۔
— Senator Saeed Ghani (@SaeedGhani1) July 11, 2022
صوبائی وزیر سعید غنی نے عید کے روز اپنے ٹوئٹ میں لکھا کہ میری طبعیت گزشتہ کچھ روز سے ٹھیک نہیں تھی، چار روز قبل ٹیسٹ کروانے پر معلوم ہوا کہ میں دوسری مرتبہ کرونا میں مبتلا ہوچکا ہوں۔ ڈاکٹر کی ہدایت کے مطابق میں نے خود کو آئسولیٹ کیا ہوا ہے، معمولی علامات کے علاوہ میری طبیعت بہتر ہے۔