شاہد آفریدی اور محمد حفیظ نے شفاف الیکشن کو  جمہوریت کی فتح قرار دے دیا

محمد حفیظ نے عمران خان کو  جیت پر مبارکباد دی، شاہد آفریدی نے جمہوریت کو پاکستان کا مستقبل قرار دیا

قومی کرکٹرز شاہد خان آفریدی اور محمد حفیظ نے پنجاب کے ضمنی انتخابات میں  تحریک انصاف کی جیت کو جمہوریت کی فتح قرار دے دیا ۔

پاکستانی سپر اسٹار کرکٹ شاہد آفریدی نے اپنے مائیکرو بلاگنگ سائٹ  ٹوئٹر پر اپنے پیغام میں کہا کہ پاکستان کا مستقبل صرف اور صرف جمہوریت سے وابستہ ہے۔

یہ بھی پڑھیے

بابر اعظم نے ٹیسٹ میچز میں اپنے 3 ہزار رنز مکمل کرلیے

شاہد آفریدی کا کہنا تھا کہ ہر وہ شخص قابل احترام ہے  جو اپنے حق رائے دہی سے کاروبار حکومت میں اپنا حصہ ڈالتا ہے اور جمہور کے نظام کو آگے بڑھاتا ہے۔

جبکہ کرکٹر محمد حفیظ  نے بھی پنجاب کے 20 حلقوں میں ہوئے ضمنی الیکشن پر اپنے رائےکا اظہار کرتے ہوئے کہا کہ پاکستان کے عوام نے اپنی سیاسی بیداری اور پختگی کا مضبوط فیصلہ سنایا۔دیکھتے ہیں کہ ہمارے سیاسی رہنما اس نتیجہ کو کیسے لیتے ہیں۔

محمد حفیظ نے چیئرمین تحریک انصاف عمران خان اور پارٹی کارکنان کو  جیت پر مبارکباد دیتے ہوئے کہا کہ  آپ نے پاکستانی عوام کے لیے ایک بار پھر بڑی ذمہ داری نبھانی ہے۔

واضح رہے کہ  اتوار کو پنجاب کے 20 حلقوں میں ضمنی انتخابات منعقد ہوئے تھے جس میں تحریک انصاف نے میدان مارلیا تھا ۔

تحریک انصاف نے 20 میں سے 15 نشستوں پر کامیابی حاصل کی جبکہ حکمران جماعت مسلم لیگ نون صرف 4 سیٹ جیت پائی تھی ۔

متعلقہ تحاریر