اسٹیٹ بینک نے قوائد کی خلاف ورزی پر دو ایکسچینج کمپنیز کا آپریشن معطل کردیا

اسٹیٹ بینک پاکستان نے ایکسچینج کمپنیوں اور بینکس کے فارن ایکسچینج آپریشنز کی نگرانی میں اضافہ کردیا ہے۔ مرکزی بینک کی جانب سے 2 ایکسچینج کمپنیز کی چار برانچوں کا آپریشن  بھی معطل کر دیا گیا ہے۔

اسٹیٹ بینک پاکستان نےایک اعلامیہ میں کہا ہے کہ ایکسچینج کمپنیوں اوربینکس کے فارن ایکسچینج آپریشنز کی نگرانی مزید سخت کردی ہے۔ مرکزی بینک  کی جانب سے  شرح تبادلہ میں حالیہ اتار چڑھاؤ کے پیش نظر نگرانی میں اضافہ کیا گیا۔

یہ بھی پڑھیے

ملک کی معاشی صورتحال کو مسلسل مانیٹر کیا جارہا ہے، اسٹیٹ بینک

اسٹیٹ بینک کے جاری کردہ اعلامیہ میں کہا گیا کہ  قوائد و ضوابط  کی خلاف ورزی کرنے پر دو ایکسچینج کمپنیَز کی چار برانچوں کا آپریشن معطل کردیا گیا ہے۔ مرکزی بینک مطابق ضرورت پڑنے پر مزید  اقدامات بھی لے سکتا ہے۔

1/2 #SBP increased monitoring of foreign exchange operations of Exchange Companies & Banks in view of recent volatility in exchange rate & started inspections and mystery shopping exercise to investigate customer's apprehensions. See PR: https://t.co/qIFXZe24co pic.twitter.com/Q0x2hAOSBP

— SBP (@StateBank_Pak) August 3, 2022

اس سے قبل مرکزی بینک کے ایک اعلامیہ میں بتایا گیا کہ اسٹیٹ بینک پاکستان کا کہنا ہے کہ معاشی صورتحال کو مسلسل مانیٹر کیا جارہا ہے جبکہ روپے کی قدرمستحکم رکھنے کے لیے اقدامات اٹھائے جارہے ہیں

مرکزی بینک کے حکام نے بتایا تھا کہ پاکستان نے تمام مشکل فیصلے کرلیے ہیں، اب مشکل حالات نہیں کا سامنا نہیں ہے۔ پاکستان میں غیر ضروری درآمدات میں کمی کی گئی ہے۔

اسٹیٹ بینک حکام کے مطابق روپے کی قدر کے لیے پے در پے اقدامات کیے جا رہے ہیں۔ عالمی مایلاتی ادارہ  آئی ایم ایف اور  دیگر دوست ممالک   پاکستان کے ساتھ  کھڑے ہیں۔ ڈیفالٹ ہونے کا کویہ اندیشہ نہیں ہے ۔