فوج کے خلاف منفی مہم چلانے والے پی ٹی آئی عہدیدار منیب کیانی نے معافی مانگ لی

افواج پاکستان کے خلاف سوشل میڈیا  منفی پروپیگنڈا مہم چلانے والے تحریک انصاف کے اسٹوڈنٹس ونگ کے رہنما منیب کیانی نے اپنے عمل پر شرمندگی کا اظہار کرتے ہوئے معافی مانگ لی ۔

پی ٹی آئی اسٹوڈنٹ ونگ کے رہنما محمد منیب کیانی نے سوشل میڈیا پرافواج پاکستان کے خلاف منفی منفی چلانے پرشرمندگی کا  اظہار کرتے ہوئے   معذرت کرتے ہوئے آئندہ کسی اس قسم کی کسی سرگرمی کا حصہ نہ بننے کا عہد کیا۔

یہ بھی پڑھیے

فارمیشن کمانڈرز نے فوج کے خلاف پراپیگنڈا مہم کا نوٹس لے لیا

منیب کیانی نے بتایا کہ میرے والد کا نام فرحت نعیم کیانی ہے اور میں نے 2 سال  تحریک انصاف کے اسٹوڈنٹس ونگ (آئی ایس ایف )کے سینئر ڈپٹی کنویئر کی حیثیت سے کام کیا ۔

کیا آپ جانتے ہیں ؟

سانحہ لسبیلہ پر منفی پراپیگنڈہ کرنےوالے کون تھے ،وہ کس کےکہنے پر کیاکیاکر رہےتھے۔غورسے دیکھیے اور پہچانیے ۔👇 pic.twitter.com/dOfbVrOiz1

— waqar satti 🇵🇰 (@waqarsatti) August 5, 2022

ملزم نے اعترافی بیان میں کہاکہ  گزشتہ روز  میں نے دو ٹوئٹس کیں جس میں ایک ٹوئٹ میں نے خود جنریٹ کی  جبکہ ایک کاپی پیسٹ کی تھی ۔

منیب نے  اعتراف کیا کہ مجھ سے بہت بڑی غلطی ہوئی اور یہ غلطی کچھ لوگوں کے اثر و رسوخ کی وجہ سے ہوئی اور کچھ لوگوں سے متاثر ہوکر ہوئی جن میں جہاں سے میں نے انفارمیشن لی وہ ایک سولجر اسپیک کا پیچ تھا۔

اعترافی بیان میں کہا گیا کہ جہاں سے ٹوئٹ کاپی کی اس میں ایک پیچ ازمہ خان پی ٹی آئی، سبینہ کیانی پیچ اور ایک عمران ریاض خان پیچ تھا جس سے میں نے یہ ساری معلومات لے کر میں نے جو ٹوئٹ جنریٹ کی اس میں سے کچھ بھی سچ نہیں تھا اور میں نے اس کی تصدیق بھی بالکل نہیں کی تھی۔

افواج پاکستان کے خلاف منفی  پروپیگنڈا  مہم چلانے والے منیب کیانی کے والد کا کہنا ہے کہ  کل میرے بیٹے نے قابل اعتراض ٹوئٹ کی جس کی ذمہ داری قبول کرتا ہوں  اور یقین دلاتا ہوں کہ آئندہ  ایسا نہیں ہوگا اور اپنے بیٹے کی تمام سرگرمیوں پر نظر رکھونگا۔

فرحت نعیم کیانی نے کہا کہ ہم محب وطن لوگ ہیں ۔افواج پاکستان سے محبت کرتے ہیں۔ ان شاء اللّٰہ یہ جو  غلطی جو میرے بیٹے سے ہوئی ہے اس کو میں تسلیم کرتا ہوں اور آئندہ کے لیے اس کو کہوں گا کہ کبھی بھی یہ ایسی غلطی نہ کرے ۔