اقرار الحسن کو جمیل فاروقی کے بعد وینا ملک سے سینگھ پھنسانا مہنگاپڑگیا

اے آر وائی نیوز کے سینئر اینکر پرسن اقرار الحسن کو بول نیوز کے اینکر پرسن جمیل فاروقی کے بعد وینا ملک سے سینگھ پھنسانا مہنگا پڑگیا۔

جمیل فاروقی کی جانب سے تحریک انصاف کے سربراہ عمران خان کا  انٹرویو کیے جانے کے بعد اقرار الحسن نے انٹرویوز کیلیے سابق وزیراعظم کے اینکرز کے انتخاب پر طنز اًوینا ملک کا نام استعمال کیا تو اداکارہ نے انہیں اپنے’روایتی ‘انداز میں جواب دیتے ہوئے دانت کھٹے کردیے۔

یہ بھی پڑھیے

اعظم سواتی کو گرفتار نہ کرنے کے احکامات، آئی جی سندھ ججز پر بھڑک اٹھے

اقرارالحسن نے تحریک انصاف کے سربراہ عمران خان سے جمیل فاروقی کی ملاقات کی تصویر شیئر کرتے ہوئے لکھاکہ جے گل ایتھوں تک پہنچ گئی اے تے ہتھیار سُٹ دیو(جب بات یہاں تک پہنچ گئی ہے تو ہتھیار پھینک دو)۔

جے گل ایتھوں تک پہنچ گئی اے تے ہتھیار سُٹ دیو 🙏 pic.twitter.com/luSVj31J9q

— Iqrar ul Hassan Syed (@iqrarulhassan) December 5, 2022

اس ٹوئٹ کے بعد اقرار الحسن اور جمیل فاروقی کے درمیان طعن تشنیع کا لمبا دور چلا جس کے بعد جمیل فاروقی نے اقرار الحسن کو ٹوئٹر پر بلاک کردیا۔

میں سیاسی نہیں سماجی پروگرام کرتا ہوں، اسی لئے اپنے کیرئیر میں کسی سیاسی لیڈر سے نہیں ملا۔ خان صاحب سے ملاقات کروانے کا بھی کہا گیا (جس کے گواہ اور ثبوت موجود ہیں) لیکن اُن سے ملنا میرا کام ہی نہیں سو معذرت کر لی۔ بس دعا ہے خان صاحب اگلے انٹرویو کے لئے ویناملک کا انتخاب نہ کر لیں

— Iqrar ul Hassan Syed (@iqrarulhassan) December 10, 2022

اقرارالحسن نے ایک ٹوئٹ میں لکھاکہ”میں سیاسی نہیں سماجی پروگرام کرتا ہوں، اسی لئے اپنے کیرئیر میں کسی سیاسی لیڈر سے نہیں ملا۔ خان صاحب سے ملاقات کروانے کا بھی کہا گیا (جس کے گواہ اور ثبوت موجود ہیں) لیکن اُن سے ملنا میرا کام ہی نہیں سو معذرت کر لی۔ بس دعا ہے خان صاحب اگلے انٹرویو کے لئے ویناملک کا انتخاب نہ کر لیں“۔

اقرار الحسن کے ٹوئٹ کےجواب میں وینا ملک   اخلاق سے گری ہوئی زبان استعمال کرتے ہوئے   ان کی بیگمات کو بیچ میں لے آئیں۔

چل بھائی تیری خاطر نہیں کرتی خان کا انٹرویو۰۰۰تو ایسا کر اپنی گھر والی بھیج دے ایک سے کام نہ چلے تو دونوں اکٹھی بھیج دے۰۰۰بن جائیگا تیرا کام🙌 https://t.co/h12ups2GLW

— VEENA MALIK (@iVeenaKhan) December 10, 2022

ایک صارف نے اقرار الحسن پر طنز کرتے ہوئے لکھاکہ”کروالی عزت، مل گیا سکون“۔

یہ بے عزتی میری نہیں انہوں نے خان صاحب کی کی ہے۔ یعنی اگر کسی کی بہن بیٹی یا بیوی خان صاحب کا انٹرویو کرنے جائے تو وینا کے مطابق خان صاحب کا کردار اتنا مشکوک ہے کہ کسی خاتون کا وہاں جانا ایک طعنہ ہے۔۔۔ اور حیرت ہے انصافی اس ٹوئیٹ کو سرِاہ رہے ہیں

— Iqrar ul Hassan Syed (@iqrarulhassan) December 11, 2022

جواب میں اقرار الحسن نے لکھاکہ”یہ بے عزتی میری نہیں انہوں نے خان صاحب کی کی ہے۔ یعنی اگر کسی کی بہن بیٹی یا بیوی خان صاحب کا انٹرویو کرنے جائے تو وینا کے مطابق خان صاحب کا کردار اتنا مشکوک ہے کہ کسی خاتون کا وہاں جانا ایک طعنہ ہے اور حیرت ہے انصافی اس ٹوئٹ کو سرِاہ رہے ہیں“۔