عمران خان کی اہلیہ بشریٰ بی بی کی ایک اور مبینہ آڈیو سامنے آگئی

توشہ خانہ کا معاملہ مزید پیچیدہ سے پیچیدہ ہونے لگا ، سابق وزیراعظم اور چیئرمین تحریک انصاف عمران خان کی اہلیہ بشریٰ بی بی ایک اور مبینہ آڈیو سامنے آگئی ہے۔

عمران خان کی اہلیہ بشری بی بی کی یہ لیک ہونے والی مبینہ آڈیو ان کے اور بنی گالہ کے نگران انعام خان کے درمیان ہونے والی گفتگو پر مشتمل ہے۔

یہ بھی پڑھیے

پی ٹی آئی چیئرمین عمران خان سے پاکستان کے باصلاحیت نوجوانوں کی ملاقات

مبینہ آڈیو میں بشریٰ بی بی کو واضح پر انعام خان پر شدید غصہ کرتے ہوئے سنا جاسکتا ہے۔

بشریٰ بی بی کی مبینہ آڈیو لیک کا مکمل متن

بشریٰ بی بی: ہیلو۔۔۔

انعام خان: السلام علیکم۔۔۔

بشریٰ بی بی: وعلیکم السلام۔۔۔ یہ جو توشہ خانہ سے چیزیں آئی تھیں۔ آپ نے "اسفر” کو کہا تھا کہ ان کی تصویریں کھینچ کر بھیجو؟

انعام خان: نہیں میں نے تو نہیں کہا تھا۔

بشریٰ بی بی: تو کیوں کھینچی تھیں تصویریں؟ گھر کے اندر جو چیز آئیں ان کی تصویر تو نہیں کھینچتے۔ جو چیزیں گھر سے باہر جاتی ہیں ان کی تصویر کھینچنی چاہیے۔۔۔؟

بشریٰ بی بی: میرے پاس جو چیزیں آرہی ہیں ان کی تصویریں کیوں کھینچی جارہی ہیں۔

انعام خان: نہیں میں نے نہیں کہا تھا بی بی۔۔۔

بشریٰ بی بی: اسفر نے کہا ہے کہ انعام نے کہا ہے اور میں نے اسے  بھیج دی ہیں۔۔۔

بشریٰ بی بی : آپ ہولڈ کریں۔۔۔

بشریٰ بی بی نے انعام خان کو ہولڈ کروا کر کسی دوسرے شخص سے سوال کرتی ہیں۔

بشریٰ بی بی: آپ نے انعام کو بھیجی ہیں تصویریں؟ وہ کہہ رہا ہے مجھے نہیں بھیجیں۔

انعام خان: بھیجیں ہیں لیکن میں نے کہا نہیں۔

بشریٰ بی بی : دوسرے شخص کو مخاطب کرتے کہتی ہیں ، کس نے کہا تھا تصویریں کھینچنے کو۔۔۔؟

بشریٰ بی بی: کس نے؟ کیوں؟ گھر کے اندر والی کسی چیز کی تصویر نہیں کھینچتے کیونکہ وہ میرے پاس آرہی تھی۔ گھر سے جو باہر جاتی ہیں ان کی کھینچنی چاہیے۔

بشریٰ بی بی: گھر کے اندر آنے والی چیز کی کون تصویر کھینچتا ہے؟

بشریٰ بی بی: کس چیز کا ثبوت؟ آپ کو کیا ضرورت ہے ثبوت دینے کی؟

بشریٰ بی بی کا فون پر کسے دوسرے شخص سے مکالمہ: آپ نے مجھ سے پوچھا ہے۔۔۔؟

بشریٰ بی بی: سوری کا کیا مطلب؟ تماشا بنایا ہوا ہے گھر کو۔۔۔

بشریٰ بی بی: وہ ایم ایس ہم پر ٹرسٹ (اعتماد) کرکے بھیج رہا ہے، آپ کون ہوتے ہیں تصویریں کھینچنے والے۔۔۔؟

بشریٰ بی بی انعام خان سے مخاطب ہوتے ہوئے گویا ہوئیں ، اور تمہیں کیوں بھیجی ہیں اس نے تصویریں۔۔۔؟

انعام خان : بی بی مجھے تصویریں آئی ہیں کہ ہم اندر دے رہے ہیں۔

انعام خان : بس آپ بی بی کو دے دیں، وہ جانیں۔

بشریٰ بی بی : یہ کیا تم لوگوں کا تُک ہے۔۔۔؟

انعام خان : بی بی ہم لوگوں نے ان تصویروں کا کیا کرنا ہے۔۔۔؟

بشریٰ بی بی: نہیں کیا کرنا ہے ، کیا کرنا ہے۔۔۔؟

بشریٰ بی بی: آج کے بعد تم گھر کے اندر نہیں آؤ گے، سمجھ آئی ہے تمہیں۔۔۔

انعام خان : جی ٹھیک ہے۔۔۔

بشریٰ بی بی: یہ تصویریں لے کر وہیں رہو جہاں تم بیٹھے ہو۔۔۔

انعام خان : ٹھیک ہے۔۔۔

واضح رہے کہ گذشتہ دنوں عمران خان کی اہلیہ بشریٰ بی بی اور رہنما تحریک انصاف ذلفی بخاری کی مبینہ آڈیو سامنے آئی تھی ، جس میں توشہ خانہ کی گھڑیوں کی فروخت سے متعلق گفتگو کی گئی تھی۔