میرپورخاص میں آٹے کے حصول کیلئے آنے والے شخص کو آٹا نہیں موت مل گئی

سماجی حلقوں کا کہنا ہے کہ آٹے کے حصول کے لیے موت کو گلے لگانے والے شخص کی موت حکمرانوں کے منہ پر تمانچہ ہے۔

پیٹ کی آگ بجھانے کےلیے آٹے کی لائن میں لگنے والے شخص کو آٹا تو نہیں ملا تاہم موت مل گئی ، میرپورخاص میں آٹے کے حصول کے لیے لائن میں لگنے والا شخص بھگڈر مچنے سے پاؤں کے نیچے آکر جاں بحق ہوگیا۔

ملک میں بڑھتی ہوئی مہنگائی میں جہاں لوگوں کو خودکشیوں پر مجبور کردیا ہے وہیں غریب عوام کے لیے موت کی خریداری بھی آسان ہو گئی ہے۔

یہ بھی پڑھیے

سکھر پولیس سیاسی ہوگئی، تھانے میں ذوالفقار بھٹو کی سالگرہ کی تقریب کا انعقاد

غلط حلقہ بندیوں کے باوجود جماعت اسلامی بلدیاتی انتخابات کے حق میں ہے، حافظ نعیم الرحمان

سوشل میڈیا پر وائرل ہونے والی ویڈیو پر سماجی حلقوں کا کہنا ہے کہ یہ ویڈیو ملک کے حکمران طبقے کے منہ پر تمانچہ ہے جس میں ایک شخص سستے آٹے کے حصول میں موت کو گلے لگا لیتا ہے۔

میرپورخاص میں اپنے بچوں کو بھوک سے مرنے سے بچانے کے لیے آٹے کے حصول کی جنگ لڑتے ہوئے ایک شخص جان کی بازی ہار گیا۔

میرپورخاص کے علاقے گلستان بلدیہ کے قریب سستے آٹے کے آئے ہوئے ٹرک پر شہریوں نے ہلہ بول دیا ، اور پہلےمیں ، پہلے میں کی تکرار پر بھگدڑ مچ گئی جس کے نتیجے میں ایک شخص دھکم پیل کے نتیجے میں سڑک پر گر گیا اور شہریوں کے پاؤں کے نیچے آکر کے جاں بحق ہوگیا۔

واقعے کے بعد جاں بحق ہونے والے شخص کے ورثاء نے لاش کو سڑک پر رکھ کر احتجاج شروع کردیا۔ جس کی وجہ سے ٹریفک معطل ہو گئی۔

متعلقہ تحاریر