ایمل ولی نے پشاور دھماکے کی ذمہ داری ریاست، امریکا اور طالبان حامیوں پر ڈال دی
رہنما اے این پی ایمل ولی نے پشاور دھماکے کی ذمہ داری ریاست پاکستان،امریکا اور طالبان حامی قوتوں کو قرار دیتے ہوئے آئی جی خیبر پختون خوا،سی سی پی او کو شامل تفتیش کرنے کا مطالبہ کیا تو تحریک انصاف کے سابق صوبائی وزیر نے بیان کی مذمت کرتے ہوئے پولیس کے ہمراہ کھڑے رہنے کے عزم کا اظہار کیا ہے
صدر عوامی نیشنل پارٹی (اے این پی) خیبر پختونخوا ایمل ولی خان کا کہنا ہے کہ پشاور مسجد سانحہ کی ذمہ داری ریاست پاکستان، امریکا اور طالبان کی حامی جماعتوں پر عائد ہوتی ہے ۔
عوامی نیشنل پارٹی کے صوبائی صدر ایمل ولی خان نے الجزیرہ کے نمائندے سے گفتگو میں پشاور دھماکے کی ذمہ دار ریاست پاکستان، امریکا اور طالبان کی حامی جماعتوں کو قرار دیا ہے ۔
یہ بھی پڑھیے
پشاور دھماکے کے بعد خیبر پختونخواہ پولیس میں اکھاڑ پچھاڑ کا سلسلہ شروع
ایمل ولی خان نے کہاکہ پشاور بم دھماکے کے ذمہ دار وہ لوگ بھی ہیں جنہوں نے افغانستان میں طالبان کی حمایت کی اور وہ لوگ بھی کو یہاں جہاد کے نام پر فساد پھیلا رہے ہیں۔
Fascinating.
The young inheritor of the ANP, the KP party allied with the PDM govt is telling Al Jazeera that (1) The United States of America & (2) the "State" are primarily responsible for the blast.
Any comments from the government or the party? pic.twitter.com/CZIRVKIhl1— Taimur Khan Jhagra (@Jhagra) February 3, 2023
اے این پی کے صوبائی صدر نے کہاکہ افغانستان میں طالبان کی آمد کا جشن منانے والے بھی براہ راست ان افسوسناک سانحہ کے ذزمہ دار ہیں جو انہیں ہیر و بناکر پیش کرتے ہیں۔
عوامی نیشنل پارٹی کے رہنما ایمل ولی نے کہا کہ دہشتگرد کیسے پولیس لائنز جیسے حساس علاقے میں داخل ہوئے، انہیں کن لوگوں نے مدد فراہ کی اس کی مکمل تحقیقات کی جانی چاہیے ۔
انہوں نے کہا کہ پشاور دھماکے میں آئی جی خیبر پختون خوا اور سی سی پی او پشاور سے بطور ملزم تحقیقات کی جائیں جبکہ انہوں نے کہا ہے کہ بارودی مواد سرکاری گاڑی میں لایا گیا تھا ۔
جاسوس ہومز نےسب سےپہلے پتہ لگالیا۔
لیکن واقعی قابل مذمت، ایسے وقت میں پولیس کو مددکی ضرورت،لیکن پوری PDM انکی ساکھ توڑرہی ہے۔
یہ کہناکہ IG اور CCPO کو "مجرم ٹھہرایا جائے" حیران کن اور قابل مذمت ہے۔ ہم IG اور CCPO کے ساتھ کھڑے ہیں۔pic.twitter.com/F4CIYVMsTo
— Taimur Khan Jhagra (@Jhagra) February 3, 2023
صوبائی صدر اے این پی ایمل ولی خان کے بیان پر تحریک انصاف کے رہنما سابق صوبائی وزیر تیمور جھگڑا نے تنقید کرتے ہوئے کہا کہ پولیس کےخلاف بیان قابل مذمت ہے ۔
تیمور خان جھگڑا نے کہا کہ یہ کہنا ہے کہ آئی جی اور سی سی پی او کو مجرم ٹھہرانا حیران کن اور قابل مذمت ہے۔ ہم آئی جی اور سی سی پی او کے ساتھ کھڑے ہیں ۔
