سیکیورٹی اہلکاروں کا عمران خان اور پی ٹی آئی سے اظہار عقیدت

عوامی مسلم لیگ کے سربراہ شیخ رشید سپریم کورٹ پہنچے تو انہوں نے سیکیورٹی پر تیعنات ایف سی کے جوانوں سے مصافحہ کیا جبکہ سیکیورٹی اہلکاروں نے تحریک انصاف کے رہنما فواد چوہدری کے ساتھ سیلفیاں بھی لیں۔

سابق وفاقی وزیر شیخ رشید نے سپریم کورٹ کے باہر ایف سی کے جوانوں سے ملاقات کی اور ان سے مصافحہ بھی کیا ۔ شیخ رشید نے کہا کہ جوان ہمارے ساتھ ہیں۔

یہ بھی پڑھیے

نابالغ بچوں کی گرفتاریاں؛ عمران خان کی شدید مذمت، اعلیٰ عدالتوں سے نوٹس کا مطالبہ

سابق وفاقی وزیر شیخ رشید نے اپنے ٹوئٹر اکاؤنٹ سے ایک وڈیو شیئر کی جس میں وہ سپریم کورٹ کے باہر ایف سی کے جوانوں سے ملاقات کررہے ہیں۔

سابق وفاقی وزیر داخلہ شیخ رشید احمد کا سپریم کورٹ پہنچنے پر FC کا والہانہ استقبال pic.twitter.com/KEuy6Tw9u0

— Sheikh Rashid Ahmed (@ShkhRasheed) March 27, 2023

 وڈیو کے کیپشن میں شیخ رشید نے لکھا کہ سابق وفاقی وزیر داخلہ شیخ رشید احمد سپریم کورٹ پہنچے تو ایف سی کے جوانوں نے ان کا والہانہ استقبال کیا۔ ایک سوال پر شیخ رشید نے ایف سی کے جوانوں کی طرف اشارہ کرتے ہوئے کہا کہ ملک کے جوان اور پٹھان ہمارے ساتھ ہیں۔

دوسری جانب بول نیوز اسلام آباد کے بیورو چیف نے سابق وفاقی وزیر فواد چوہدری کی ایک وڈیو شیئرکی جس میں سیکیورٹی اہلکار ان کے ساتھ سیلفیاں بنا رہے ہیں۔

صدیق جان نے اپنی وڈیو کے کیپشن میں لکھا کہ جن کو تحریکِ انصاف کی قیادت کا راستہ روکنے اور گرفتار کرنے کے لیے لگایا گیا تھا، وہ سیلفیاں لے رہے ہیں۔

جن کو تحریکِ انصاف کی قیادت کا راستہ روکنے اور گرفتار کرنے کے لیے لگایا گیا تھا ،
وہ تحریک انصاف کے فواد چوہدری کو روک کر ان کے ساتھ سیلفیاں لے رہے ہیں ۔۔۔
ان کے تاثرات سن لیں pic.twitter.com/pDt6AGdG0q

— Siddique Jan (@SdqJaan) March 27, 2023

بول نیوز کے بیورو چیف نے کہا کہ ان کے تاثرات سن لیں جنہیں پی ٹی آئی کی قیادت کا راستہ روکنے پر لھایا گیا ہے ۔ وہ فواد چوہدری کو روک کر ان کے ساتھ سیلفیاں لے رہے ہیں۔

اس سے قبل تحریک انصاف کے لاہور جلسے کے دوران ایک وڈیو وائرل ہوئی جس میں ایک پولیس اہلکار سڑک کنارے لگے عمران خان کے ایک پوسٹر کو سیلوٹ کرتا نظر آرہا تھا۔