مال مفت دل بےرحم: غریب ملک کے امیر حکمرانوں کے کھابے

ایک وقت کے کھانے کو ترسنے والی عوام کے غریب ملک کے وزیراعظم کی جانب سے اراکین پارلیمان کے اعزاز میں عید ملن ظہرانے کی دعوت دی گئی ہے ، جس میں مہمانوں کی ضیافت کے لیے چھ سے زائد ڈشز تیار کی گئی ہیں ، میٹھے کی ڈشز اس کے علاوہ ہیں۔ سوشل میڈیا پر وائرل ہونے والی لش پش کھانوں کی ویڈیو پاکستان جیسے غریب ملک کے وزیراعظم اور وزراء کے منہ پر طماچہ ہے۔

تفصیلات کے مطابق وزیراعظم شہباز شریف کی جانب سے آج اراکین پارلیمان کے اعزاز میں عید ملن ظہرانہ دیا جارہا ہے ، عید ملن ظہرانے کا اہتمام پارلیمنٹ ہاؤس اسپیکر لاؤنچ میں کیا گیا ہے۔

یہ بھی پڑھیے 

سپریم کورٹ میں پنجاب انتخابات تاخیر کیس کی سماعت مکمل، فیصلہ کچھ دیر میں

عدالت عظمیٰ پارلیمان کی عزت و توقیر کا خیال رکھے، اسپیکر قومی اسمبلی کا چیف جسٹس کے نام خط

وزیراعظم کی جانب سے دیئے گئے ظہرانے میں حکومت میں شامل اتحادی پارٹیوں کے سربراہان اور اراکین قومی اسمبلی اور اراکین سینیٹ شامل ہوں گے۔

شہباز شریف کی جانب سے اراکین پارلیمنٹ کیلئے ’’کھابوں‘‘ کا پروگرام۔۔!!! pic.twitter.com/UmBo0JFrZR

— Mughees Ali (@mugheesali81) April 27, 2023

دوسروں کو نصیحت خود میاں فصیحت شہباز شریف کی جانب سے اتحادی ارکان کے اعزاز میں پرتکلف ظہرانے کا اہتمام ارکان پارلیمنٹ کے لیے ظہرانے میں شاہ خرچیاں ۔غریب کو ایک وقت کا کھانا نہیں مل رہا ادھر باربی کیو سے لے کر ہر چیز ملے گی ۔کھانا بھی وزیر اعظم ہاؤس سے خصوصی طور پر تیار کیا pic.twitter.com/WniiE4FlWF

— Abbas Shabbir (@Abbasshabbir72) April 27, 2023

رپورٹس کے مطابق وزراء کے لیے الگ روم میں سیٹوں کا بندوبست کیا گیا ہے ، اور وزیراعظم بھی وفاقی وزراء کے ساتھ کھانا تناول فرمائیں گے۔

ظہرانے کے موقع پر وزیراعظم شہباز شریف اراکین پارلیمان سے خطاب بھی کریں گے۔

رپورٹس کے مطابق اراکین پارلیمان کے اعزاز میں دیئے گئے ظہرانے میں چھ سے زائد ڈشز تیار کی گئی ہیں۔ تمام کھانا وزیراعظم ہاؤس میں تیار کیا گیا ہے ، وہاں سے کھانا پارلیمنٹ ہاؤس لایا گیا ہے۔