اینکر پرسن اقرار الحسن کو خدیجہ شاہ اور مہر بانو قریشی پر تنقید کرنا مہنگا پڑگیا

نجی  ٹی وی چینل اے آر وائے کے اینکر پرسن اقرار الحسن کو سوشل میڈیا پر تحریک انصاف سے منسلک خواتین کے بارے میں رائے پر تنقید کا نشانہ بنایا جا رہا ہے ۔  

اینکر پرسن اقرار الحسن نے ٹوئٹر پر سابق وزیر خزانہ ڈاکٹر سلمان شاہ  اور سابق وزیر خارجہ شاہ محمود قریشی کی صاحبزادیوں  مغربی لباس  میں تصاویر شیئر کی تھیں ۔

یہ بھی پڑھیے

اقرار الحسن کو جمیل فاروقی کے بعد وینا ملک سے سینگھ پھنسانا مہنگاپڑگیا

اینکر اقرارالحسن نے کہا کہ مہر بانو قریشی کے ہمراہ یہ خدیجہ شاہ کی اس تصویر میں ان کے ہاتھ میں سگریٹ ہے جبکہ آج گرفتاری کے وقت ان کے ہاتھ میں تسبیح  تھی ۔

انہوں نے بتایا کہ خدیجہ شاہ کے ساتھ  ملتان کے پیر سابق وزیر خارجہ شاہ محمود قریشی کی صاحبزادی ہیں جوکہ صرف الیکشن مہم کے لیے ہی سر پر ڈوپٹہ لیتی ہیں ۔

ماریہ سرتاج نامی ایک ٹوئٹر ہینڈل سےکہا گیا کہ اقرار الحسن نے مذکورہ ٹوئٹ ڈیلیٹ کردی ہے تاہم ان شخص کے حوالے سے وسیم بادامی کا انکشاف نہیں بھولنا ۔

IH deleted this tweet but let’s not forget that few years ago a side chick of Waseem Badami had shared screenshots where Badami admitted that Iqrar was his guru who encouraged him to keep girlfriends in each city.

Munafaqat ka marathon toh Iqrar hee jeetenge poore Pakistan main. pic.twitter.com/djnd7V8TX5

— Maria Sartaj (@MariaSartaj) May 24, 2023

خاتون نے  کہا  کہ چند سال قبل اے آر وائے کے اینکر وسیم بادامی نے کہا تھا کہ اقرار الحسن  ان کا گرو تھا جس نے انھیں ہر شہر میں گرل فرینڈز رکھنے کی ترغیب دی۔

ماریہ سرتاج نامی صارف نے اے آر وائے کےاینکر پرسن  پر شدید تنقید کرتے ہوئے کہا گیا کہ پاکستان میں منافقت کی میراتھن  ریس کو اقرارالحسن ہی جیتیں گے ۔

اقرار الحسن نے  خدیجہ شاہ اور مہربانو قریشی کو مشورہ دیتے ہوئے کہا  کہ  آپ ڈوپٹہ لیں یا نہ لیں تسبیح پڑھیں یا نہیں،یہ میری بحث نہیں ،مگر کم از کم منافقت نہ کریں ۔

سوشل میڈیا پر تنقید کے بعد اقرار الحسن مذکورہ ٹوئٹ ڈیلیٹ کرنے پر مجبور ہوگئے ۔ اینکر پرسن نے کہا کہ ہم میں سے کوئی فرشتہ نہیں  ، سب سے غلطیاں ہوتی ہیں۔

میں فرشتہ نہیں، ہم میں سے کوئی بھی فرشتہ نہیں۔ ہم سب سے غلطیاں ہوتی ہیں، کبھی کبھی بات درست ہو بھی تو بھی بات کرنے کا وقت درست نہیں ہوتا۔ اس بات کو تسلیم کر کے اپنی غلطی کی اصلاح کرنا اہم ہیں۔ غلطی پر ڈھٹائی سے ڈٹ جانا زیادہ بڑی غلطی ہوتی ہے۔ سو گذشتہ ٹوئیٹ ڈیلیٹ کر رہا ہوں 🙏

— Iqrar ul Hassan Syed (@iqrarulhassan) May 24, 2023

انہوں نے کہا کہ  کبھی کبھی بات درست ہو بھی تو بھی بات کرنے کا وقت درست نہیں ہوتا ہے۔ اس بات کو تسلیم کرکے اپنی غلطی تسلیم کرکے اصلاح کرنا اہم ہیں۔

اے ار وائے کے اینکر پرسن اقرار الحسن کا کہنا تھا کہ  غلطی کرکے  اپنی غلطی پر ڈھٹائی سے ڈٹ جانا زیادہ بڑی غلطی ہوتی ہے،سو گزشتہ ٹوئٹ ڈیلیٹ کر رہا ہوں۔