تمام تر پابندیوں کے باوجود عمران خان مقبولیت میں مریم نواز سے آج بھی آگے

تمام تر کوششوں کے باوجود حکومت چیئرمین تحریک انصاف عمران خان کی مقبولیت کو ختم کرنے میں بری طرح سے ناکام ہے ، گذشتہ روز وہاڑی میں مسلم لیگ (ن) کی سینئر نائب صدر مریم نواز نے جلسہ کیا جبکہ اُسی دوران عمران خان نے ویڈیو لنک کے ذریعے پی ٹی آئی کے کارکنان سے خطاب کیا۔

وہاڑی میں ہونے والے مسلم لیگ (ن) کے جلسے کو مسلم لیگ نون کے یوٹیوب چینل پر لائیو کوریج دی جارہی ہے ، مریم نواز کو خطاب کرتے ہوئے جب تقریباً چھ منٹ گزر گئے تو یوٹیوب پر اس جلسے کو صرف  133 افراد دیکھ رہے تھے۔

یہ بھی پڑھیے 

خواجہ آصف نے 9 مئی کے حملہ آوروں کو پاکستانی تسلیم کرنے سے انکار کردیا

پی ٹی آئی کے مزید 146 رہنماؤں اور کارکنان کے نام نو فلائی لسٹ میں شامل

دوسری جانب چیئرمین تحریک انصاف عمران خان نے خطاب شروع کیا ، اُسی طرح ٹھیک چھ منٹ بعد پی ٹی آئی کے سربراہ کے خطاب کو 13 ہزار لوگ دیکھ رہے تھے۔

پی ٹی آئی کی سوشل میڈیا ٹیم نے چیئرمین پی ٹی آئی عمران خان کی تقریر کو رات گئے یوٹیوب پر لانچ کیا تھا جس کو اب تک 45 ہزار لوگ دیکھ چکے ہیں۔

اسی طرح سے مریم نواز کی  تقریر کو یوٹیوب پر اپ لوڈ ہوئے 15 گھنٹے سے زیادہ کا وقت گزر گیا مگر ابھی تک ویڈیو کو صرف 4 ہزار 200 افراد نے دیکھا ہے۔

تجزیہ کاروں کا کہنا ہے کہ تمام تر کوششوں کے باوجود حکومت لوگوں کے دلوں سے عمران خان کی محبت کو ختم کرنے میں بری  طرح سے ناکام ہے۔ پرائیویٹ چینلز ، یوٹیوب اور سوشل میڈیا پر پابندی کے باوجود لوگ عمران خان کو سنتے ہیں۔