وزیراعظم نے عوام سے آئی ایم ایف کے پروگرام کی منظوری کے لیے دعاؤں کی اپیل کردی

وزیر اعظم شہباز شریف نے قوم سے بین الاقوامی مالیاتی فنڈ (آئی ایم ایف) کے قرض پروگرام کی منظوری حاصل کرنے کے لئے دعاؤں کی اپیل کردی ہے، کہتے ہیں وزیر خزانہ اسحاق ڈار کی ٹیم بین الاقوامی قرض دینے والوں کے ساتھ رابطے میں سرگرمی سے مصروف ہے۔

لندن میں ایون فیلڈ کے باہر میڈیا سے گفتگو کرتے ہوئے انہوں نے آئی ایم ایف بورڈ پروگرام کی منظوری کے حوالے سے دعاؤں کی اپیل کی۔ صورتحال کی اہمیت پر زور دیتے ہوئے انہوں نے کہا کہ اس پروگرام کے لیے ضروری ہے کہ بغیر کسی تاخیر کے منظوری دی جائے۔

یہ بھی پڑھیے

پاکستان کی ترقی کیلئے سب کو ملکر کام کرنا ہوگا، آصف علی  زرداری

میاں نواز شریف (ن) لیگ کی انتخابی مہم کی قیادت کریں گے، جاوید لطیف

فرانس میں انٹرنیشنل مانیٹری فنڈ (آئی ایم ایف) کے منیجنگ ڈائریکٹر (ایم ڈی) کے ساتھ ملاقات کا حوالہ دیتے ہوئے ، انہوں نے بتایا کہ انہوں نے فرانس کے صدر کی دعوت پر فرانس کا سفر کیا۔ ملاقات کے دوران، انہوں نے آئی ایم ایف کے ایم ڈی کے ساتھ دوستانہ بات چیت کی، جس سے خوشگوار ماحول پیدا ہوا۔

ملاقات کے دوران انہوں نے بتایا کہ آئی ایم ایف کے منیجنگ ڈائریکٹر نے بعض معاملات پر بات کرنے کی خواہش کا اظہار کیا۔

وزیراعظم شہباز شریف کا کہنا تھا کہ انہوں نے آئی ایم ایف کی ایم ڈی کو بتایا کہ پاکستان نے تمام شرائط پوری کر دی ہیں اور اب پروگرام کی منظوری دی جانی چاہیے۔

تبصرہ

وزیراعظم شہباز شریف کی جانب سے قوم سے دعاؤں کی اپیل پر تبصرہ کرتے ہوئے تجزیہ کاروں کا کہنا ہے کہ اگر معاملہ دعاؤں سے ہی حل کرنا تھا تو پھر وزیراعظم صاحب کو چھ ماہ پہلے سے قوم سے دعاؤں کی اپیل کردینی چاہیے تھی، مگر اب تو صرف  6 دن رہ گئے ، اس میں کوئی شک نہیں کہ اللہ دعاؤں کو قبول کرنے والا ہے ، مگر آپ کی معاشی کارکردگی بھی تو ہونا ضروری ہے۔