زارا نعیم علی ظفر کی مداح نکلیں
علی ظفر نے ٹوئٹر پر زارا کو 'حقیقی چیمپئن' قرار دیا۔
ایسوسی ایشن آف چارٹرڈ سرٹیفائیڈ اکاؤنٹنٹس (اے سی سی اے) کے امتحان میں دنیا بھر سے ٹاپ کرنے والی پاکستانی طالبہ زارا نعیم معروف گلوکار علی ظفر کی مداح نکلیں۔ سماجی رابطوں کی ویب سائٹ ٹوئٹر پر انہوں نے صرف علی ظفر کی مبارکباد کا فوراً جواب دیا۔
ایک ایسے وقت میں جب کرونا کے باعث پاکستان میں طلباء پڑھائی کا حرج ہونے پر پریشان تھے، زارا نعیم نے اپنی شاندار کارکردگی سے سب کو چونکا دیا۔ دسمبر میں ہونے والے اے سی سی اے کے فنانشل رپورٹنگ کے امتحان میں زارا نے 179 ممالک کے طلباء کو پیچھے چھوڑ کر نمایاں پوزیشن حاصل کی۔
پاکستان کی شان بڑھانے والی زارا نعیم کو ٹوئٹر پر نامور شخصیات کی جانب سے مبارکبادیں موصول ہوئیں۔ سیاستدانوں نے بھی اپنے ٹوئٹر پیغامات میں زارا کو داد دی لیکن انہوں نے کسی سیاستدان کے ٹوئٹ کا جواب نہیں دیا۔
Congratulations! Another Pakistani girl does us proud. #ZaraNaeem #SarBulandhttps://t.co/wDPLXqgeXP
— Shireen Mazari (@ShireenMazari1) February 16, 2021
گزشتہ روز گلوکار علی ظفر نے ٹوئٹر پر زارا کو ‘حقیقی چیمپئن’ قرار دیا۔
BeShak. Great feat. Education and knowledge is key to all development, advancement and evolution and those who break barriers in the domain are the real champions. https://t.co/sIyrXUskh7
— Ali Zafar (@AliZafarsays) February 16, 2021
حیران کن بات تو یہ تھی کہ بڑی سے بڑی شخصیت کی داد پر خاموش رہنے والی زارا نے علی ظفر کی ٹوئٹ کا فوراً جواب دے دیا۔ ہونہار طالبہ نے علی ظفر کو مخاطب کرتے ہوئے لکھا کہ ’اس پیغام سے میں واقعی خوش ہو گئی ہوں۔‘
This makes me truly so happy! @AliZafarsays https://t.co/Tm3entV01k
— Zara Dar (@ZaraNaeemDar) February 16, 2021
زارا نعیم کے علی ظفر کو دیئے گئے جواب نے یہ ثابت کردیا کہ وہ گلوکار کی بہت بڑی مداح ہیں۔
یہ بھی پڑھیے
منفرد انداز نے پارٹی گرل کو انڈیا میں بھی مشہور کرادیا
واضح رہے کہ زارا فوٹو شیئرنگ ایپ انسٹاگرام پر پوسٹ میں پہلے ہی مبارکباد دینے والی شخصیات کا شکریہ ادا کرچکی ہیں۔
View this post on Instagram
