پاکستانی سیاستدان کھانے میں کیا کیا پسند کرتے ہیں؟

عمران خان اپنی روزہ مرہ کی زندگی میں صبح ناشتے میں آم، دہی اور انڈوں کا استعمال کرتے ہیں۔

پاکستانی سیاستدان اپنے کھانے پینے پر کافی توجہ دیتے ہیں۔ آج کل سوشل میڈیا پر پاکستان مسلم لیگ (ن) کی نائب صدر اور سابق وزیراعظم نواز شریف کی صاحبزادی مریم نواز کے لسی نہ پینے پر کافی بحث چل رہی ہے۔

سماجی رابطوں کی ویب سائٹ ٹوئٹر پر ایک صارف نے مریم نواز کی ایک تصویر شیئر کی جس میں وہ ہاتھ میں گلاس پکڑی ہوئی ہیں۔ صارف نے مریم نواز کو مخاطب کرتے ہوئے پوچھا کہ کیا آپ لسی پی رہی ہیں۔؟

یہ بھی پڑھیے

عمران خان کی حمایت میں ٹرینڈ کا تمسخر

سوال کا جواب دیتے ہوئے مریم نواز نے لکھا کہ کاش میں روزانہ لسی پی سکتی لیکن مجھے اپنے وزن کا بھی خیال رکھنا ہوتا ہے اس لیے میں صرف کافی پیتی ہوں۔

ایک صارف نے لکھا کہ لاہوری ہو کر بھی لسی نہ پینا زیادتی ہے۔ جس کے جواب میں مریم نواز نے ایموجی کا استعمال کیا۔

ماضی میں مریم نواز مشروبات میں ڈائٹ کوک اور ٹینگ بھی پیتی تھیں۔

اس سے قبل وزیر اعظم عمران خان کے کھانے سے متعلق بھی سوشل میڈیا صارفین تبصرے کرچکے ہیں۔ عمران خان اپنی روزہ مرہ کی زندگی میں صبح ناشتے میں آم، دہی اور انڈوں کا استعمال کرتے ہیں۔

مسلم لیگ (ن) کے قائد نواز شریف اور صدر شہباز شریف وہ تمام کھانوں کے شوقین ہیں جو لاہور کی پہچان ہیں۔ ان کھانوں میں نہاری اور پائے سمیت دیگر شامل ہیں۔

نواز شریف
Hamari Web

پاکستان کے سابق صدر آصف علی زرداری کھانوں میں زیادہ تر سبزیاں استعمال کرتے ہیں جبکہ وہ کھانوں میں مرچیں اور نمک کم سے کم پسند کرتے ہیں۔

آصف علی زرداری
Hamari Web

ان کے علاوہ دیگر پاکستانی سیاستدان بھی کھانے پینے کے کافی شوقین ہیں اور اس پر کافی توجہ دیتے ہیں۔

متعلقہ تحاریر