کیا پاکستان کا اگلا وزیراعظم بھی کوئی نیازی ہوگا؟
ڈاکٹر معظم نیازی نے خود کو پاکستان کے مستقبل کا وزیراعظم قرار دیا ہے۔
پاکستان امن لیگ کے چیئرمین ڈاکٹر معظم نیازی نے بظاہر وزیراعظم ہاؤس کے اندر پہنچ کر اپنی تصویر جاری کردی ہے۔
فیصل آباد سے سامنے آنے والی سیاسی جماعت پاکستان امن لیگ کے سربراہ ڈاکٹر معظم نیازی نے سماجی رابطوں کی ویب سائٹ ٹوئٹر پر اپنی ایک تصویر جاری کی ہے جس میں بظاہر انہیں وزیراعظم ہاؤس کے اندر موجود دیکھا جاسکتا ہے۔
Great Scientist Chairman Pakistan Aman League & Futur Prime Minister Of Pakistan Dr.Moazzam Mahmood Khan Niazi pic.twitter.com/FOH33v2M23
— Dr.Moazzam Mahmood Niazi (@DrMoazzamMahmo3) June 12, 2021
تصویر کے ساتھ انہوں نے خود کو عظیم سائنسدان قرار دیتے ہوئے پاکستان کے مستقبل کا وزیراعظم کہا ہے۔
یہ بھی پڑھیے
نواز شریف کی آج شام پاکستان واپسی؟
2017 میں اپنے ٹوئٹر اکاؤنٹ پر ڈاکٹر معظم نیازی نے خود کا موازنہ موجودہ وزیراعظم عمران خان سے کیا تھا۔ اس موازنے میں کہا گیا تھا کہ ’عمران خان کھیلوں کے میدان کے جبکہ ڈاکٹر معظم نیازی طبی میدان کے قومی ہیرو ہیں۔‘
— Dr.Moazzam Niazi (@dr_moazam_khan) May 26, 2017
اس موازنے میں انہوں نے اپنی ذاتی زندگی کے بارے میں بھی بتایا تھا کہ انہوں نے ’ابھی تک شادی نہیں کی۔‘
تاہم اب انہوں نے آئندہ انتخابات سے قبل اپنا موازنہ پاکستان مسلم لیگ (ن) کی نائب صدر مریم نواز سے کیا ہے۔ انہوں نے عوام سے سوال کیا ہے کہ وہ اب کس کو وزیراعظم دیکھنا چاہیں گے؟
— Dr.Moazzam Mahmood Niazi (@DrMoazzamMahmo3) June 24, 2021
پاکستان میں انتخابات سے قبل سیاسی جماعتیں بڑے بڑے دعوے کرتی ہیں جن میں سے کچھ وعدے پورے ہوتے ہیں اور بیشتر وعدے وفا نہیں ہو پاتے۔ گزشتہ انتخابات سے قبل ٹوئٹر پر ڈاکٹر معظم نیازی نے اپنی سیاسی جماعت کی تشہیر زور و شور سے چلائی تھی اور پوری قوم کو پیٹرول اور چینی مفت فراہم کرنے کا اعلان کیا تھا۔ ان کا دعویٰ تھا کہ شوگر کے مریض بھی ہماری چینی جتنی چاہیں استعمال کریں، ان کا شوگر لیول نہیں بڑھے گا۔
ڈاکٹر صاحب آپ مجھے برطانیہ میں اپنی پارٹی کا صدر بنا دیں،میں آپ کے نمائندے کی حیثیت سے ملکہ ایلزبتھ کو آپ کی جماعت میں شامل ہونے کی دعوت دوں گا.
اگر یہ ممکن نہیں تو سوشل میڈیا برطانیہ کا صدر تو بنا دیں.اگر یہ بھی نہیں ہو سکتا تو لندن کا صدر یا صرف شمالی لندن کا..
پلیز ڈاکٹر صاحب https://t.co/SY8wnJBBSI— Adeel (@AdeelZebJanjua) June 24, 2021
دھواں دھار تقریر میں انہوں نے کہا تھا کہ ہم عرب کی تیل کی حکمرانی ختم کردیں گے اور ایک وقت ایسا آئے گا کہ پاکستان پوری دنیا پر تیل کی حکمرانی کرے گا۔
اپنی ایک ٹوئٹ میں بھی انہوں نے قوم کو مفت پیٹرول اور چینی فراہم کرنے کا اعلان کرتے ہوئے دعویٰ کیا تھا کہ انتخابات میں ان کے مضبوط امیدوار کھڑے ہیں اور ان کی جماعت کلین سوئپ کرے گی۔ ان کا کہنا تھا کہ پاکستان امن لیگ ملک کی بڑی جماعت کے طور پر سامنے آئے گی۔
— Dr.Moazzam Niazi (@dr_moazam_khan) May 26, 2017
ایک اور ٹوئٹ میں ڈاکٹر معظم نیازی نے کہا تھا کہ فیصل آباد میں 45 ایکڑ پر محیط 5 ہزار بیڈز پر مشتمل عالمی معیار کے اسپتال کی تعمیر شروع کردی ہے۔ اس مقصد کے لیے انہوں نے عوام سے چندے کی بھی اپیل کی تھی۔
— Dr.Moazzam Niazi (@dr_moazam_khan) May 30, 2017
