نالہ لئی میں طغیانی، ٹوئٹر صارفین کو عارف علوی،شیخ رشید کی یاد آگئی

صارفین نے سوشل میڈیا پر 2017 میں کراچی میں سیلابی صورتحال کے موقع پر صدر عارف علوی کی کشتی چلاتے ہوئے تصاویر شیئر کی ہیں۔

ویب ڈیسک28 جولائی 2021

اسلام آباد اور راولپنڈی میں ریکارڈ بارش کے بعد نالہ لئی میں طغیانی کی صورتحال پیدا ہوگئی۔ سوشل میڈیا صارفین نے ٹوئٹر کا سہارا لیتے ہوئے صدر پاکستان عارف علوی اور وزیر داخلہ شیخ رشید کی کشتی چلاتے ہوئے تصاویر شیئر کی ہیں۔

وزیر اعلیٰ سندھ کے معاون خصوصی جاوید نایاب لغاری نے سماجی رابطوں کی ویب سائٹ ٹوئٹر پر صدر عارف علوی کی تصویر شیئر کی ہے جس میں وہ لائف جیکٹ پہنے ہاتھ میں روئنگ پیڈل پکڑے کشتی میں بیٹھے ہیں۔

یہ بھی پڑھیے

وزیراعظم کا خواتین کے لباس سے متعلق بیان پر یوٹرن

جاوید نایاب لغاری نے لکھا ہے کہ ” صدر پاکستان عارف علوی صاحب ہنگامی بنیادوں پر کشتی لے کر نکل رہے ہیں۔ حلیم عادل نے ڈگڈگی بجانا شروع کردی۔ تھوڑی دیر میں اسلام آباد سے بارش کا پانی نکال دیا جائیگا۔”

صدر پاکستان عارف علوی صاحب ہنگامی بنیادوں پر کشتی لیکے نکل رہے ہیں۔ حلیم عادل نے ڈبکی بجانا شروع کردی۔ تھوڑی دیر میں اسلام آباد سے بارش کا پانی نکال دیا جائیگا۔۔

شیرو اول شھباز گل pic.twitter.com/CbfrKY5DGk

— Javed Nayab Laghari (@JavedNLaghari) July 28, 2021

ٹوئٹر کے ایک اور صارف سلمان اسکندر نے صدر عارف علوی کی ایک اور تصویر شیئر کرتے ہوئے لکھا ہے کہ "بریکنگ نیوز: اسلام آباد میں سیلاب سے قبل صدر عارف علوی کی کشتی چوری ہو گئی ہے۔”

Breaking News:
Boat of Pakistan’s President got stolen, just before the #Floods in Islamabad. pic.twitter.com/JwScOupi9j

— Salman Sikandar (@SALSIKandar) July 28, 2021

تاہم زیر نظر تصاویر 2017 کی ہیں، جب عارف علوی پاکستان تحریک انصاف (پی ٹی آئی) کے ایک کارکن تھے صدر پاکستان نہیں تھے۔ صدر عارف علوی نے اس وقت کراچی کے مختلف حصوں میں بارشوں اور سیلابی پانی میں پھنسے شہریوں کی مدد کرتے ہوئے انہیں محفوظ مقام پر پہنچایا تھا۔

دوسری جانب ٹوئٹر کے صارفین نے وزیر داخلہ شیخ رشید کی جھیل میں کشتی چلاتے ہوئے ویڈیو شیئر کرتے ہوئے خوب ٹرولنگ کی ہے۔

داؤد صدیق نامی ٹوئٹر صارف نے وزیر داخلہ شیخ رشید کی ویڈیو شیئر کرتے ہوئے لکھا ہے کہ "ٹھیک سے دکھائی نہیں دے رہا کہ غریب کشتی سے کھینچا جارہا ہے یا دھکیلا جارہا ہے۔ تاہم تندرست رہنے کے لیے وزیر داخلہ کا یہ خیال اچھا ہے، اس لیے انہیں کشتی کے ساتھ چھوڑ دیا جائے۔

Can’t see for sure who is pulling or pushing the poor boat. Brilliant idea to keep the ministers fit, just leave them with the boat. #DIY https://t.co/qfV4ijCqvZ

— Daud Siddiq (@ddsiddiq) July 24, 2021

ٹوئٹر صارف جاوید اقبال نے لکھا ہے کہ ” آپ آسانی سے تمام خرابیوں پر پردہ ڈالنے کے لیے ایڈیٹنگ سافٹ ویئر کو سہارا لے کر کشتی کو تیزی سےچلا سکتے تھے۔

You can easily speed up the movie through an editing software to cover up all the flaws. https://t.co/rYDEnaeVbz

— Javed Iqbal (@Javed2k) July 24, 2021

اے پلس نامی ٹوئٹر صارف نے طنز کے تیر چلاتے ہوئے لکھا ہے کہ "شیخ رشید کو کسی فلم کے سیکوئل میں اداکاری کا موقع دیا جاسکتا ہے۔”