عامر لیاقت کی بدتمیزی کا تازہ واقعہ

پی ٹی آئی رہنما نے ٹریفک پولیس اہلکار کو کھری کھری سنادی۔

گزشتہ روز پی ٹی آئی رہنما عامر لیاقت حسین کی جانب سے بدتمیزی کا تازہ واقعہ سامنے آیا۔ رکن قومی اسمبلی نے ٹریفک پولیس اہلکار کو بیچ سڑک کھری کھری سنادی۔

پاکستان تحریک انصاف کی حکومت کا وفاق میں تو پلڑا بھاری ہے لیکن اگر یہ کہا جائے کہ سندھ میں موجود پی ٹی آئی کے رہنما پارٹی کا نام خراب کررہے ہیں تو غلط نہ ہوگا۔ گزشتہ روز رکن قومی اسمبلی عامر لیاقت حسین کی جانب سے بدتمیزی کا نیا واقعہ سامنے آیا۔ معروف میزبان وزیراعظم کی وفاداری میں تمیز اور تہذیب کو ہی بھلا بیٹھے۔

ایک اور ویڈیو میں عامر لیاقت بیچ سڑک ایک پولیس اہلکار سے دوسرے کی رشوت لینے کی شکایت کرتے رہے اور ساتھ اسے بھی کھری کھری سناتے رہے۔

یہ بھی پڑھیے

عدلیہ اور جج صاحبان کے حوالے سے رپورٹنگ کا نیا انداز

سوشل میڈیا صارفین کا کہنا ہے کہ عامر لیاقت صاحب کو اس وقت بھی ایسا ہی ایکشن لینا چاہیے تھا جب پی ٹی آئی رہنما اسلم خان کی جانب سے شادی کی تقریب منعقد کرکے ایس او پیز کی خلاف ورزی کی گئی تھی۔

چند صارفین کا کہنا ہے کہ عامر لیاقت کو ایسا کچھ کرنے کی ضرورت ہی نہیں تھی، وہ ایم این اے ہیں اگر انہوں نے کسی کو رشوت لیتے دیکھا تھا تو وہ فون پر ہی اس کی شکایت آگے تک کرسکتے تھے اور مشکل میں ڈال سکتے تھے۔ اس طرح سڑک پر تماشہ کرنے کا مقصد خبروں میں آنے کے علاوہ کچھ اور نظر نہیں آتا۔

متعلقہ تحاریر