پاکستانی جمائما بھابھی کا پیچھا کب چھوڑیں گے؟

سوشل میڈیا صارفین کی بدتمیزی کا نیا نشانہ وزیراعظم عمران خان کی سابق اہلیہ جمائما خان بنی ہیں۔

وزیر  اعظم  عمران  خان  کی  سابق  اہلیہ جمائما گولڈ اسمتھ  کو  پاکستانی  سوشل  میڈیا  صارفین  سے نصرت فتح علی خان  کی پنجابی  قوالی کا مطلب پوچھنا  مہنگا  پڑگیا۔ لوگوں  نے  قوالی  کے  بولوں  کو  عمران  خان   سے  منسوب  کرنا  شروع  کردیا۔

وزیر  اعظم  عمران  خان  کی  سابق  اہلیہ جمائما گولڈ اسمتھ  سوشل  میڈیا  پر  جو  پوسٹ  بھی  ڈالتی  ہیں  پاکستانی  عوام  اسے  کہیں  نہ  کہیں  عمران  خان  سے  جوڑ  دیتی  ہے۔  فلم  اور  پروڈکشن  سے  وابستہ  جمائما نے  سماجی  رابطوں  کی  ویب  سائٹ  ٹوئٹر  پر  اپنی  حالیہ پوسٹ  میں پاکستانی  صارفین  کو  مخاطب  کرتے  ہوئے  پوچھا  کہ  کیا کوئی انہیں  نصرت فتح علی خان  کی  قوالی  اے اتھرا عشق نئی سون دیندا کا انگریزی  میں  مفہوم  سمجھا  سکتا  ہے ؟  کچھ  ہی  دیر  میں  متعدد صارفین  نے  انہیں انگریزی  میں قوالی  کا  مطلب  سمجھا  دیا  جس  کا  جمائما نے  شکریہ  بھی  ادا  کیا۔

 لوگوں  کی  جانب  سے  جب  قوالی  کے  بول  عمران  خان  سے  منسوب  کیے  گئے تو جمائما کو اپنی  پوسٹ  ڈیلیٹ  کرنی  پڑی۔

یہ  بھی  پڑھیے

بارک اوباما کی مقبولیت میں کمی نہ آئی

پاکستانی  صارفین  نے  بھی  ہار  نہ  مانی  اور  جمائما  کی  پوسٹ  کا  اسکرین  شاٹ  لے  کر  تبصرے  کرنے  شروع  کردیے۔

چند  صارفین  کا  خیال  تھا  کہ  اس  قوالی  کو  سن  کر جمائما ماضی  میں عمران  خان  کے  ساتھ  گزارے  ہوئے اپنے دن  یاد  کررہی  ہیں۔

واضح  رہے  کہ  عمران  خان  اور جمائما گولڈ  اسمتھ  کی  شادی  1995   میں  ہوئی  لیکن  طویل  علیحدگی  کے  بعد 2014  میں جوڑے  کی  طلاق  ہوگئی۔  پاکستانی  عوام  کی  بڑی  تعداد  دونوں  کو  ایک  ساتھ  دیکھنا  چاہتی  تھی اور  یہی  وجہ  ہے  کہ  آج  تک لوگ  جمائما کی  ہر  بات  کو  کہیں  نہ کہیں عمران  خان  سے  جوڑنے  کی  کوشش کرتے نظر  آتے  ہیں۔

Facebook Comments Box