گوجرانوالہ میں دنیا کی سب سے بڑی شجرکاری مہم، بھارت کا ریکارڈ پاش پاش

پاکستان کے صوبہ پنجاب کے شہر گوجرانوالہ میں مختلف اسکولوں کے طلبہ نے دنیا کی سب بڑی شجرکاری مہم کے تحت ایک منٹ میں 50 ہزار پودے لگا کر بھارت سے عالمی ریکارڈ چھین لیا ہے۔

اس کارنامے کو سرانجام دینے کے لیے شہر کے مختلف اسکولوں کے 12 ہزار 500 طلبہ سمیت 600 اساتذہ اور 6 ہزار ضلعی انتظامیہ کے اہلکاروں نے حصہ لیا تھا۔

یہ بھی پڑھیے

کیا اگلے چھ ماہ میں پورے پاکستان کو کرونا ویکسین لگ جائے گی؟

ایک منٹ میں سب سے زیادہ پودے لگانے کی تقریب میں وزیراعظم عمران خان کے مشیر برائے موسمیاتی تبدیلی ملک امین اسلم نے خصوصی طور پر شرکت کی۔

واضح رہے کہ بھارت نے ایک منٹ میں 37 ہزار پودے لگا کر عالمی ریکارڈ بنایا تھا جسے گوجرانوالہ کے طلبہ نے توڑ دیا ہے۔ ریکارڈ ساز کارنامے کے بعد بگل بجائے گئے اور خوشی کا بھرپور اظہار کیا گیا۔ اس سے قبل قومی ترانہ بھی بجایا گیا۔

طلبہ کی جانب سے 50 ہزار پودے لگانے کے عمل کی فوٹیج ڈرون کیمروں سے بنائی گئی۔ یہ ویڈیوز “گنیز بک آف ورلڈ ریکارڈ” کی انتظامیہ کو بجھوائی جائیں گی۔

طلبہ کی اس کامیابی پر خوشی کا اظہار کرتے ہوئے وزیراعظم کے مشیر ملک امین اسلم نے سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ ” بہت بہترین گوجرانوالہ۔ طلبہ اور انتظامیہ نے کمال کردکھایا۔ وزیراعظم کے سونامی بلین ٹری منصوبے کے تحت ایک منٹ میں 50 ہزار پودے لگا کر انڈیا کو پچھاڑ دیا۔”

Well done #Gujranwala where the charged youth and local Govt responded to the call of @ImranKhanPTI under #10BillionTreeTsunami to plant 50000 saplings in 1 minute – a new world record beating arch rivals #India pic.twitter.com/AsFfU8MHyD

— Malik Amin Aslam (@aminattock) August 12, 2021

پاکستان تحریک انصاف کے سینیٹر فیصل جاوید نے طلبہ کی اس کامیابی پر سماجی رابطوں کی ویب سائٹ ٹوئٹر پر پیغام جاری کرتے ہوئے لکھا ہے کہ “عالمی ریکارڈ بنانے پر سارے پاکسان کو مبارکباد۔ گوجرانوالہ کے طلبہ نے صرف ایک منٹ میں 50 ہزار پودے لگائے۔ دنیا میں سب سے بڑی شجرکاری مہم کا نیا ریکارڈ قائم کردیا۔”

 

Congratulations Pakistan for making the world record. Our 13,000 students in Gujranwala planted 50,000 saplings in just 60 seconds, setting a new record for the largest such plantation drive anywhere in the world. #PakistaniStudentsMakeWorldRecord #CleanAndGreenPakistan pic.twitter.com/YNQcEXos8h

— Faisal Javed Khan (@FaisalJavedKhan) August 12, 2021

عالمی ریکارڈ بنانے پر سوشل میڈیا صارفین کی جانب سے گوجرانوالہ کے طلبہ اور انتظامیہ کو خراج تحسین پیش کرنے کا سلسلہ جاری ہے۔