امریکی بلاگر سنتھیا رچی پی ٹی وی کی میزبان مقرر

سنتھیا رچی نے بتایا  کہ  وہ  جلد  ہی  پی  ٹی  وی  ورلڈ  پر  پروگرام  کریں  گی۔

پاکستان میں مقیم امریکی بلاگر سنتھیا رچی نے سرکاری  ٹی  وی جوائن کرلیا۔ سوشل  میڈیا پر سنتھیا رچی نے بتایا  کہ  وہ  جلد  ہی  پی  ٹی  وی  ورلڈ  پر  پروگرام  کریں  گی۔

سنتھیا رچی  عرصہ  دراز  سے  پاکستان  میں  رہائش  پذیر  ہیں  اور اب  انہیں  سرکاری  چینل  میں  باقاعدہ  ملازمت  بھی  مل  گئی  ہے۔ 44   سالہ  بلاگر  اپنی  زندگی  کے  نئے  باب  کے  شروع  ہونے  پر  پرجوش  دکھائی  دیں۔ انسٹاگرام  پوسٹ  میں سنتھیا رچی  نے  اپنی  پی  ٹی  وی  میں  شمولیت  کا  اعلان  کرتے  ہوئے  بتایا  کہ  وہ پی  ٹی  وی  ورلڈ  پر  پروگرام  کریں  گی  تاہم  پروگرام  کے  بارے  میں  تفصیلات  سے  آگاہ  نہیں  کیا۔

 

View this post on Instagram

 

A post shared by Cynthia D. Ritchie (@cynthiadritchie)

یہ  بھی  پڑھیے

امریکی شہری سنتھیا رچی پراسرار طور پر بےہوش

سفر  کے  دوران  ولاگ  ہو  یا  سماجی  کام، سنتھیا  خبروں  میں  رہنے  کا  فن  اچھی  طرح  جانتی  ہیں۔ دو  ہفتے  قبل  وہ  اسلام  آباد  میں  اپنے  گھر  میں  بےہوش  پائی  گئیں  تھیں، اسپتال والوں  نے  بتایا گیا  کہ انہیں  کوئی  نشہ آور چیز دی گئی تھی۔

سنتھیا رچی نے جون 2020  میں بھی  سرخیوں  میں  جگہ  بنالی  تھی  جب انہوں  نے  سابق  وزیر  داخلہ  رحمان  ملک  پر زیادتی  کا الزام  لگایا  تھا۔ اس  سال  کی  شروعات  میں  انہوں  نے  عدالت  سے  اپنی  درخواست خارج  کرنے  کے  لیے  درخواست  دی۔ بقول سنتھیا رچی مفاہمت دباؤ  کی  وجہ  سے  ہوئی۔دلچسپ بات یہ ہے کہ سنتھیا رچی 2010 میں تین روزہ وزٹ ویزے پر پاکستان آئی تھیں۔ وزارت داخلہ نے پچھلے سال ان کے ویزے میں توسیع کو مسترد کر دیا تو انہوں  نے اسلام آباد ہائی کورٹ جا کر اسٹے لے لیا۔ اور  اب  اس نئی  ملازمت  کے ساتھ  ہی انہوں  نے  ملک  میں  اپنے  مستقل  قیام  کا  بندوبست  کرلیا  ہے۔

Facebook Comments Box