پی ٹی وی پر شہباز شریف کی لائیو تقریر کا کریڈٹ فواد چوہدری کو

پاکستان ٹیلی ویژن (پی ٹی وی) کے پروڈیوسر عون ساہی نے کہا ہے کہ قائد حزب اختلاف شہباز شریف کی کراچی جلسے کی تقریر پی ٹی وی پر دکھانے کا کریڈٹ وفاقی وزیر فواد چوہدری کو جاتا ہے۔

سماجی رابطوں کی ویب سائٹ ٹوئٹر پر پیغام شیئر کرتے ہوئے عون ساہی نے کہا ہے کہ "فواد چوہدری پی ٹی وی کو ایک جامع ادارے کے طور پر دیکھنا چاہتے ہیں ، انہوں نے مجھ سے کہا تھا کہ حزب اختلاف کی جماعتوں کو پی ٹی وی وقت دیا جانا چاہیے۔”

یہ بھی پڑھیے

شبلی فراز اور صوبائی وزراء کی سگریٹ نوشی کی ویڈیو وائرل

مسلم لیگ (ن) کے صدر شہباز شریف کی تقریر کو لائیو پی ٹی وی پر ٹیلی کاسٹ کرنے پر رکن پنجاب اسمبلی حنا پرویز بٹ نے سماجی رابطوں کی ویب سائٹ ٹوئٹر پر پیغام شیئر کرتے  ہوئے لکھا تھا کہ "شہباز شریف کو پی ٹی وی پر دیکھ کر خوشی ہوئی ، اب اللہ کرے عون ساہی کی نوکری سلامت رہے۔”

شہباز شریف صاحب کو PTV پر دیکھ کر خوشی ہوئی، اب اللہ کرے عون ساہی کی نوکری سلامت رہے pic.twitter.com/Ckf1lAjiaj

— Hina Parvez Butt (@hinaparvezbutt) August 29, 2021

عون ساہی نے حنا پرویز بٹ کے ٹوئٹ پر ٹوئٹ کرتے ہوئے لکھا ہے کہ "شکریہ حنا پرویز صاحبہ مگر براہ کرم جہاں جس کا کریڈٹ بتنا ہے اس کو کریڈٹ دینا چاہیے۔”

Thanks @hinaparvezbutt sahiba but please give credit where it’s due. Our minister @fawadchaudhry wants to see PTV as an inclusive institute & basically he asked me to show opposition on PTV. I couldn’t have done anything without his support. https://t.co/VXZxIIVR5u

— Aoun Sahi (@AounSahi) August 29, 2021

سماجی رابطوں کی ویب سائٹ ٹوئٹر پر پیغام شیئر کرتے ہوئے معروف صحافی سبوخ سید نے وفاقی وزیر فواد چوہدری اور عون سید کی کاوشوں کی تعریف کی ہے۔

فواد چوہدری صاحب چاہتے ہیں کہ پی ٹی وی شہریوں کو مکمل معلومات اور خبر کا ہر زاویہ فراہم کرے تو ان اقدامات کو مزید موثر بنانا ہوگا۔ پی ٹی وی پوری قوم کا چینل ہےاور اس کا شہریوں میں اعتماد بحال کرنا ضروری ہے۔آپ جیسے ذمہ دار اور پروفیشنل صحافیوں کا ہونا ادارے کو تقویت فراہم کرے گا۔

— Sabookh Syed | سبوخ سید (@SaboohSyed) August 30, 2021

تحقیقاتی صحافت سے جڑے معروف صحافی وسیم عباسی نے ٹوئٹر پر پیغام شیئر کرتے ہوئے لکھا ہے کہ "عون ساہی آپ بہت اچھا کام کررہے ہیں، آپ کے پیشہ ورانہ مشورے کی اہمیت ہے، کسی پیشہ ور کو صحیح جگہ پر صحیح کام کرتے ہوئے دیکھنا اچھا ہے۔ وفاقی وزیر فواد چوہدری واقعی پی ٹی آئی کے اپنے پیشروؤں سے بہتر وزیر اطلاعات ہیں۔”

Still good work @AounSahi .. your professional advice matters ..good to see a professional doing the right thing at the right place.. @fawadchaudhry is indeed better Info minister than his predecessors from PTI..

— Waseem Abbasi (@Wabbasi007) August 29, 2021