ڈی جی آئی ایس آئی کابل پہنچ گئے

جنرل فیض حمید اور دیگر افسران طالبان کے اعلیٰ حکام سے ملاقاتیں کریں گے۔

ڈائریکٹر جنرل آئی ایس آئی لیفٹیننٹ جنرل فیض حمید ایک روزہ دورے پر آج صبح کابل پہنچ گئے ہیں جہاں وہ طالبان کی اعلیٰ قیادت سے ملاقات کریں گے۔

جنرل فیض حمید وزارت خارجہ کے افسران کے ہمراہ آج صبح کابل پہنچے۔ انہیں طالبان شوریٰ کی جانب سے دورے کی دعوت دی گئی تھی۔

حکام کے مطابق جنرل فیض حمید اور دیگر افسران طالبان کے اعلیٰ حکام سے ملاقاتیں کریں گے جس میں پاکستان اور طالبان کے دوطرفہ تعلقات، سیکیورٹی اور تجارت سمیت دیگر امور پر تبادلہ خیال کیا جائے گا۔

یہ بھی پڑھیے

پاک بحریہ اور میری ٹائم سیکیورٹی ایجنسی نے تجارتی جہاز کے عملے کو بچا لیا

دوسری جانب طالبان قیادت کی جانب سے آج اپنی حکومت کا اعلان بھی متوقع ہے۔ ذرائع کے مطابق طالبان نے اپنی کابینہ میں سابق رہنماؤں حامد کرزئی، عبداللہ عبداللہ اور گلبدین حکمت یار کو بھی شامل کرنے کا فیصلہ کیا ہے۔

Facebook Comments Box