آئی بی اے میں ہراسانی کا واقعہ، طلبہ کا احتجاج جاری
ہراسانی کے خلاف آواز اٹھانے والے طالبعلم کے خلاف انتظامیہ کی کارروائی پر درجنوں طلبہ نے احتجاجی مظاہرہ کیا۔
پچھلے دنوں نجی یونیورسٹی آئی بی اے کے محکمہ فنانس کی عہدیدار کو یونیورسٹی میں ہراساں کیا گیا۔ یہ بات سماجی رہنما جبران ناصر نے اپنے ٹویٹ میں بتائی ہے۔
.@ibakarachi appears to be failing its students/staff. Few days ago a female staff member X* of Finance Dept faced harassment. Student Gibrael posted eye witness account on FB. Result: student facing Disciplinary Committee & X facing hostile attitude of Anti Harassment Committee pic.twitter.com/iDgZNMhmWy
— M. Jibran Nasir 🇵🇸 (@MJibranNasir) September 17, 2021
معاملے کے خلاف سوشل میڈیا پر آواز اٹھانے کے بعد ایک طالب علم جبرائیل کو آئی بی اے ڈسپلنری کمیٹی کی پیشیاں بھگتانا پڑ رہی ہیں اور ہراسگی کا نشانہ بننے والی خاتون کو اینٹی ہراسمنٹ کمیٹی کا مخاصمانہ رویہ برداشت کرنا پڑ رہا ہے۔
جبران ناصر نے آئی بی اے میں طلبہ کی جانب سے ہونے والے احتجاجی مظاہرے کی ویڈیو بھی شیئر کی ہے۔
ہراسانی کے خلاف آواز اٹھانے والے طالبعلم جبرائیل کے خلاف انتظامیہ کی کارروائی پر طلبہ سراپا احتجاج بن گئے۔ درجنوں طلبہ و طالبات نے پلے کارڈز اور بینرز اٹھا کر آئی بی اے انتظامیہ کے خلاف احتجاجی مظاہرہ کیا۔
مدثر سرخا نامی ٹوئٹر ہینڈل پر جاری تصاویر میں طالبعلموں کو یونیورسٹی کی عمارت کے سامنے احتجاج کرتے دکھایا گیا ہے۔ پلے کارڈز پر نعرے درج تھے کہ آئی بی اے کو فاشزم کی کالونی نہیں بننے دیا جائے گا۔
IBA students (mostly undergrads) protesting today against Administration for punishing student who raised voice against harassment. pic.twitter.com/b5LFiAr4KL
— Muzammil (@surkhaaa) September 21, 2021
ٹوئٹر ہینڈل کے مطابق ہراسانی کے واقعے پر طالبعلم (جبرائیل) نے آواز اٹھائی تو انتظامیہ نے اسی کے خلاف کارروائی کردی۔
آئی بی اے کی خاتون عہدیدار کو کس نے ہراساں کیا یہ بات ابھی تک سامنے نہیں آسکی ہے۔ البتہ سماجی حلقوں نے آئی بی اے یونیورسٹی میں ہراسانی کے واقعے پر سخت تشویش کا اظہار کیا ہے۔
واضح رہے کہ آئی بی اے کے جامعہ کراچی میں واقع کیمپس کے ایک طالبعلم اور طالبہ کو کچھ لڑکوں نے ہراساں کیا تھا جس کے بعد ان تمام لڑکوں کو گرفتار کیا گیا۔
یہ بھی پڑھیے
طالبات کا آئی بی اے کی انتظامیہ پر جنسی ہراسگی کا الزام
متاثرہ طالبعلم کا کہنا تھا کہ وہ اپنی ساتھی طالبہ کو گرلز ہاسٹل چھوڑ رہا تھا جس وقت چند موٹرسائیکل سوار لڑکوں نے انہیں تنگ کیا۔
آئی بی اے انتظامیہ کے سخت ایکشن کے بعد پولیس نے مذکورہ واقعے میں ملوث لڑکوں کو گرفتار کرلیا تھا۔ دیکھنا ہوگا کہ اب آئی بی اے انتظامیہ اپنے ہی ادارے کی خاتون عہدیدار کو انصاف دلانے کے لیے کوشش کرتی ہے یا نہیں۔
