قومی کرکٹ ٹیم کی فتح پر سیاسی اور فوجی قیادت یک زبان
انڈیا کے خلاف جیت پر وزیراعظم، صدر مملکت ، شہباز شریف ، آرمی چیف اور مریم نواز سمیت تمام سیاست دانوں نے قومی ٹیم اور پاکستانیوں کو مبارکباد دی ہے۔
آئی سی سی ٹی 20 ورلڈ کپ 2021 کے سپر 12 مرحلے کے اہم ترین میچ میں انڈیا کے تاریخی فتح پر وزیراعظم عمران خان ، صدر مملکت عارف علوی، قائد حزب اختلاف شہباز شریف ، آرمی چیف جنرل قمر جاوید باجوہ ، چیئرمین پی پی بلاول بھٹو زرداری اور مسلم لیگ (ن) کی نائب صدر مریم نواز سمیت تمام سیاسی قیادت نے قومی ٹیم کو پاکستانیوں کو مبارکباد دی ہے۔
وزیراعظم عمران خان نے سعودی عرب میں موجودگی کے باوجود اپنی کابینہ کے ہمراہ انڈیا اور پاکستان کا میچ انجوائے کیا۔ پاکستان کی فتح پر انہوں نے قوم کو مبارکباد دی ہے۔ وزیراعظم اور کابینہ کی میچ دیکھنے کی تصاویر بھی سوشل میڈیا پر وائرل ہو رہی ہے۔
یہ بھی پڑھیے
پاکستان کے خلاف سازش کرنے والے بھارت کو عبرتناک شکست
ٹی 20 ورلڈ کپ سپر12مرحلہ: پاکستان کی انڈیا کو 10وکٹوں سے شکست
وزیراعظم عمران خان
سماجی رابطوں کی ویب سائٹ ٹوئٹر پر پیغام شیئر کرتے ہوئے وزیراعظم نے لکھا ہے کہ ” پاکستانی ٹیم خصوصاً بابر اعظم، جنہوں نے پوری جرات سے ٹیم کی قیادت کی اور رضوان اور شاہین آفریدی، جنہوں نے نہایت شاندار کارکردگی کا مظاہرہ کیا،کو دلی مبارکباد پیش کرتا ہوں۔ قوم کو آپ سب پر فخر ہے۔”
پاکستانی ٹیم خصوصاً بابر اعظم، جنہوں نے پوری جرات سے ٹیم کی قیادت کی اور رضوان اور شاہین آفریدی، جنہوں نے نہایت شاندار کارکردگی کا مظاہرہ کیا،کو دلی مبارکباد پیش کرتا ہوں۔ قوم کو آپ سب پر فخر ہے۔ pic.twitter.com/AfcrvI2JIC
— Imran Khan (@ImranKhanPTI) October 24, 2021
صدر مملکت عارف علوی
قومی ٹیم کی شاندار کارکردگی پر قوم کو مبارکباد دیتے ہوئے صدر مملکت عارف علوی نے کہا ہے کہ ” شاباش گرین شرٹس”۔
شاباش گرین شرٹس۔
مکمل صفایا۔
دس وکٹوں سے میچ جیت لیا۔
ہمیں آپ پر فخر ہے۔
ایک اچھا میچ تھا مزا آگیا۔
پاکستنیوں آپ سب کو مبارک ہو۔ pic.twitter.com/sJVgINW4FU— Dr. Arif Alvi (@ArifAlvi) October 24, 2021
شہباز شریف
پاکستان مسلم لیگ (ن) کے صدر شہباز شریف نے اپنے جوش کا اظہار کرتے ہوئے کہا ہے کہ "کیا میچ تھا ، دونوں ٹیموں کے درمیان کوئی میچ ہی نہیں تھا۔ پاکستان کے تمام کھلاڑیوں کو مبارکباد، ویل ڈن گرین ٹیم۔”
آرمی چیف جنرل قمر جاوید باجوہ
آرمی چیف جنرل قمر جاوید باجوہ نے قومی ٹیم کی جیت پر مبارکباد دیتے ہوئے کہا ہے پاکستان نے بھارت کو ہرا کر ہمارا سر فخر سے بلند کردیا ہے۔
مریم نواز شریف
قومی کرکٹ ٹیم کی انڈیا کے خلاف فتح پر پاکستان مسلم لیگ (ن) کی نائب صدر مریم نواز نے سماجی رابطوں کی ویب سائٹ ٹوئٹر پر لکھا ہے "ویل ڈن پاکستان۔”
پاکستان زندہ باد 🇵🇰
— Maryam Nawaz Sharif (@MaryamNSharif) October 24, 2021
وزیر خارجہ شاہ محمود قریشی
انڈیا کے خلاف تاریخی فتح پر ردعمل دیتے ہوئے وزیر خارجہ شاہ محمود قریشی نے سوشل میڈیا پر پیغام شیئر کرتے ہوئے لکھا ہے کہ ” پاکستان کی ٹیم نے ایک مکمل کامیابی حاصل کی۔ بہت خوب!۔”
Absolutely smashing victory by the Pakistan team. Well done! #PakistanZindabad 🇵🇰 pic.twitter.com/YJiuKucrn2
— Shah Mahmood Qureshi (@SMQureshiPTI) October 24, 2021
بلاول بھٹو زرداری
قومی ٹیم کے انڈیا کے خلاف شاندار کامیابی پر چیئرمین پیپلز پارٹی بلاول بھٹو زرداری نے ٹوئٹر پر جاتے ہوئے لکھا ہے کہ ” پاکستان کو مبارک ہو۔”
Congratulations #Pakistan #PAKvIND
— BilawalBhuttoZardari (@BBhuttoZardari) October 24, 2021
شیخ رشید احمد
وفاقی وزیر داخلہ شیخ رشید احمد نے قومی ٹیم کی جیت پر سماجی رابطوں کی ویب سائٹ ٹوئٹر پیغام شیئر کرتے ہوئے لکھا ہے کہ ” پاکستانی کرکٹ ٹیم اور عوام کو مبارکباد پیش کرتا ہوں.”
پاکستان انڈیا میچ ٹکرا:
پاکستانی کرکٹ ٹیم اور عوام کو مبارکباد پیش کرتا ہوں.https://t.co/Tc0IG0n2DJ@GovtofPakistan @ImranKhanPTI #PakvsIndia pic.twitter.com/e9RkffrK2O— Sheikh Rashid Ahmed (@ShkhRasheed) October 24, 2021
