پاکستان اور کالعدم ٹی ٹی پی کے درمیان ایک ماہ کی جنگ بندی کا معاہدہ

حکومت پاکستان اور کالعدم تحریک طالبان پاکستان (ٹی ٹی پی) کے درمیان 25 اکتوبر سے باضابطہ مذاکرات کا آغاز ہو گیا۔

ترک نشریاتی ادارے ٹی آر ٹی سے وابستہ پاکستانی صحافی حسن عبداللہ نے اپنے ٹوئٹ میں دعویٰ کیا ہے کہ افغان طالبان کی  ثالثی میں ہونے والے مذاکرات  کے نتیجے میں فریقین  کے درمیان  یکم نومبر سے ایک ماہ کیلیے جنگ بندی پر اتفاق ہوگیا ہے۔

یہ بھی پڑھیے

اپوزیشن رہنماؤں نے وزیراعظم کے ریلیف پیکج کو مسترد کردیا

کالعدم ٹی ایل پی کے سربراہ کی نظربندی کے خلاف دائر درخواست واپس

سماجی رابطوں کی ویب سائٹ ٹوئٹر پر پیغام جاری کرتے ہوئے صحافی حسن عبداللہ نے کہا ہے کہ معاہدے کو فریقین کی رضامندی سے مزید توسیع دی جاسکے گی۔ فریقین کے درمیان 5 رکنی کمیٹی کے قیام پر بھی اتفاق ہوگیا ہے۔

BREAKING: Govt of Pakistan and the Pakistani Taliban (TTP) officially started negotiations on 25th October 2021

Month-long ceasefire into effect from Nov 1

Ceasefire extendable based on mutual agreement

Both sides have agreed on 5-member committees

Afghan Taliban mediating

— Hasan Abdullah (@journalisthasan) November 4, 2021

حسن عبد اللہ نے دعویٰ کیا ہے کہ مذاکرات کے عمل میں شریک حکام کے مطابق کالعدم ٹی ٹی پی نے ابتدائی طور پر 100 سے زائد قیدیوں کی رہائی کا مطالبہ کیا ہے۔

حسن عبداللہ کے مطابق یہ مذاکرات حکومت پاکستان اور مرکزی کالعدم تحریک طالبان پاکستان کے درمیان ہورہے ہیں جبکہ حافظ گل بہادر گروپ مذاکرات کا حصہ نہیں ہے۔