جاوید چوہدری کے بیٹے کی گرفتاری پر میڈیا خاموش

دو روز قبل اسلام آباد سے خبر آئی کہ معروف اینکرپرسن اور کالم نگار جاوید چوہدری کے بیٹے محمد فیض جاوید کو راجہ مارکیٹ میں واقع ایک کالج سے نشے کی حالت میں گرفتار کیا گیا ہے۔

Son of journalist Javed chaudhry arrested for attacking a govt school in F-11 Raja market pic.twitter.com/7oEMUZC12e

— Ahtesham bokhari (@ahteshamBokhari) November 13, 2021

رپورٹ کے مطابق جاوید چوہدری کے بیٹے سمیت چار افراد نشے کی حالت میں کالج گئے، خواتین اسٹاف پر تشدد کیا۔ ملزمان میں علی فیضان مرزا، حارث امتیاز اور فضل خان بھی شامل ہیں۔

ڈان نیوز کے مطابق ایس پی صدر نوشیروان نے بتایا کہ ایک کالر نے اطلاع دی کہ ویگو گاڑی میں سوار چند افراد ایف 11 مرکز پر ایک لڑکی کو ہراساں کررہے ہیں۔

فوری طور پر پولیس ٹیم کو مرکز روانہ کیا گیا، اسی دوران پولیس کو دوسری کال موصول ہوئی کہ چند افراد اسلام آباد ماڈل کالج میں داخل ہو گئے ہیں اور طلبہ اور اسٹاف پر تشدد کررہے ہیں۔

پولیس نے چاروں افراد کو گرفتار کرلیا اور ویگو گاڑی بھی قبضے میں لے لی۔ ایس پی صدر نے کہا کہ گرفتاری کے وقت چاروں ملزمان نشے میں تھے۔

مین اسٹریم میڈیا پر یہ خبر صرف ڈان اخبار نے شائع کی ہے، اس کے علاوہ پورے میڈیا نے اس خبر کا بلیک آؤٹ کیا۔ چاہے پرنٹ ہو یا الیکٹرانک میڈیا سب اپنے پیٹی بھائی کو بچانے کی کوشش کررہے ہیں۔

اس شرم ناک واقعے کے باوجود سلیم صافی نے تو جاوید چوہدری کے حق میں ہی ٹویٹ کر ڈالی۔

افسوس کہ اس ملک میں کامیاب یامشہورانسان ہوناجرم بن گیاہے۔ صد افسوس کہ حسداوربغض کی بنیاد پرخوداپنےہم پیشہ لوگ بھی جاوید چودھری کی کردارکشی کررہےہیں۔حقائق عدالتی فیصلےمیں سامنےآجائیں گےلیکن یہ بات سمجھ سےبالاترہےکہ صبح کےوقت چارلڑکےشراب پی کروہ بغیراسلحہ کےکالج پرحملہ آورہوئے۔2/2

— Saleem Safi (@SaleemKhanSafi) November 14, 2021

یہی حرکت کسی منتخب رکن کے بچے نے کی ہوتی تو پورے میڈیا نے آسمان سر پر اٹھا لینا تھا کہ ‘جی دیکھیں طاقت کے نشے میں چور وحشی درندہ کس طرح کالج میں داخل ہوا’ لیکن اب معاملہ کیونکہ اپنے ہی صحافی بھائی کا ہے تو سب کی زبانوں پر تالے لگ گئے ہیں۔