مریم نواز نے چینلز کے اشتہار روکنے کا اعتراف کرلیا

مسلم لیگ (ن) کی نائب صدر مریم نواز نے چار چینلز کو سرکاری اشتہارات نہ دینے سے متعلق اپنی وائرل ہونے والی آڈیو کلپ صحیح ہونے کا اعتراف کرلیا ہے۔

وفاقی دارالحکومت میں پریس کانفرنس کرتے ہوئے مریم نواز کا کہنا تھا کہ وہ آواز میری ہی ہے اور آڈیو درست ہے۔

یہ بھی پڑھیے

عظمیٰ بخاری نے آڈیو کے بعد ویڈیو آنے کی پیشگوئی کردی

ثاقب نثار کی آڈیو لیک پر فقط سیاست جاری ، عدالتی کارروائی کوئی نہیں

ساتھ ہی انہوں نے وضاحت دیتے ہوئے کہا کہ کم از کم میں یہ نہیں کہہ رہی کہ وہ آڈیو جوڑ جوڑ کر بنائی گئی ہے یا میری آواز نہیں ہے، وہ میری ہی آواز ہے۔

مریم نواز نے مزید کہا کہ یہ آڈیو بہت پرانی ہے، اس وقت میں پارٹی کا میڈیا سیل چلا رہی تھی۔

خیال رہے کہ سوشل میڈیا پر ایک آڈیو کلپ وائرل ہورہی ہے جس میں مریم نواز کسی سے بات کرتے ہوئے کہہ رہی ہیں کہ چار چینلز کو کوئی اشتہار نہیں جائے گا، انہوں نے چینلز کے نام بھی لیے ہیں۔

مریم نواز کے اس اعتراف کے بعد حکومتی و سیاسی شخصیات سمیت صحافیوں نے بھی اپنا ردعمل دیا ہے۔

مریم نواز نے بڑے چینلز کے اشتہارات کنٹرول کرنے کا اعتراف کیا ہے، یہ سنگین مالی بے ضابطگیوں کا ایک اور اعتراف ہے، کہتی ہیں میں پارٹی کا میڈیا سیل چلا رہی تھی،اس اعترافی بیان کے بعد امید ہے وہ اپنی اور خاندان کی بیرون ملک جائیدادوں کا اعتراف بھی کر لیں گی ۔۔۔ قوم چشم براہ ہے

— Ch Fawad Hussain (@fawadchaudhry) November 24, 2021

Though not surprising but quite shocking to hear the confession from MNS about her audio in regard to issuing instructions in regard to govt. ads. We know what Saifur Rehman did with media in the 90s. The least she could do was regret as she was no one to issue instructions.

— Mazhar Abbas (@MazharAbbasGEO) November 24, 2021

ن لیگ جہاں انصاف کے لئے آواز اُٹھا رہی ہے وہاں اس بات کا اعتراف کہ چند چینلز کے اشتہار روکے گا بے حد تکلیف دہ اور قابل مذمت ہے۔ کاش سیاسی جماعتیں اقتدار سے باہر اور اقتدار میں آ کر ایک جیسی پالیسیز رکھیں۔

— Asma Shirazi (@asmashirazi) November 24, 2021