برسوں کا انتظار تمام ہوا،کراچی گرین لائن بس منصوبے کا افتتاح آج ہوگا
دو بڑی جماعتوں سے کراچی کے شہریوں کی خوشی ہضم نہ ہوئی،ن لیگ کے بعد پیپلزپارٹی کی بھی رنگ میں بھنگ ڈالنے کی کوشش
کراچی کے شہریوں کا برسوں کا انتظار تمام ہوا۔ وزیراعظم عمران خان آج کراچی گرین لائن بس منصوبے کی آزمائشی سروس کا افتتاح کریں گے۔
سندھ اور پنجاب کی دو بڑی سیاسی جماعتوں کو شاید کراچی کے شہریوں کی خوشی ہضم نہیں ہورہی۔ ن لیگ کے بعد پیپلزپارٹی کی بھی رنگ میں بھنگ ڈالنے کی کوشش
یہ بھی پڑھیے
ن لیگ نے کراچی گرین لائن بس منصوبے کا علامتی افتتاح کردیا
کراچی کا گرین لائن منصوبہ 25 دسمبر سے آپریشنل ہو جائے گا، اسد عمر
Karachi citizen’s wait for a modern transport system is almost over. PM @ImranKhanPTI coming to karachi friday to launch the trial operations. This video gives you a sneak peak intp what the greenline operation will look like pic.twitter.com/uENoGuojhM
— Asad Umar (@Asad_Umar) December 8, 2021
مسلم لیگ ن نے گزشتہ روز منصوبے کے باقاعدہ افتتاح سے پہلے ہی علامتی افتتاح کردیا۔مسلم لیگ ن کے جنرل سیکریٹری احسن اقبال کارکنوں کی بڑی تعداد کے ساتھ گزشتہ روز ناظم آباد پہنچے تو رینجرز نے عوامی منصوبے کو متنازع بنانے کی کوشش ناکام بناتے ہوئے انہیں گرین لائن کے پل پر چڑھنے سے روک دیا۔اس موقع پردھکم پیل کی صورتحال پیدا ہوگئی ۔
اس موقع پراحسن اقبال نے عمران خان کی حکومت پر ریاستی دہشت گردی کا الزام بھی لگا دیا۔انہوں نے کہا کہ رینجرز اور پولیس کو حملہ آور ہونے کا حکم دیا گیا ، کراچی کی گرین لائن بس کا منصوبہ ن لیگ کا تھا ، 90 فیصد کام بھی ن لیگ نے مکمل کیا تھا ، عمران خان کس منہ سے گرین لائن کا افتتاح کرنے آرہے ہیں۔
پاکستان مسلم لیگ (ن) کے صدر اور قائد حزب اختلاف شہبازشریف کی کراچی میں احسن اقبال اور پارٹی کارکنان پر تشدد کی شدید مذمت ، تحقیقات کا مطالبہ
عمران نیازی کے حکم پر کراچی میں رینجرز کے ذریعے سیکرٹری جنرل احسن اقبال سمیت پارٹی راہنمائوں اور کارکنوں پر بہیمانہ تشدد کیا گیا pic.twitter.com/eZWadDpbji
— PML(N) (@pmln_org) December 9, 2021
یہاں سوال یہ پیدا ہوتا ہے کہ اگر کراچی گرین لائن بس منصوبے کاسنگ بنیاد نوازشریف حکومت نے رکھا تھا تو کیا منصوبہ ان کی جاگیر بن گیا ہے؟ ایسا ہر ملک اور ہر حکومت میں ہوتا ہے کہ منصوبہ ایک حکومت شروع کرتی ہے اور دوسری حکومت اسے پایہ تکمیل تک پہنچاتی ہے۔ اگر ن لیگ کومنصوبےکی تکمیل کی اتنی فکر تھی تو اپنے دور حکومت میں کیوں یہ منصوبہ مکمل نہیں کیا؟
سندھ کی حکمراں جماعت پیپلزپارٹی کو بھی کراچی کے شہریوں کی خوشی ہضم نہیں ہوئی۔پیپلزپارٹی نے گرین لائن منصوبے کی آزمائشی سروس کے افتتاح کے روز کراچی میں مہنگائی کیخلاف احتجاج کا اعلان کردیا۔ تجزیہ کاروں نے سوال اٹھایا ہے کہ کیامہنگائی ہفتے دس دن میں شروع ہوئی ہے؟کیا عوام کو پچھلے تین سال سے مہنگائی کا سامنا نہیں ہے؟ لیکن پیپلزپارٹی کو مہنگائی کیخلاف احتجاج کیلیے آج کا دن ہی کیوں ملا؟
تجزیہ کاروں کا کہنا ہے کہ نہ تو مہنگائی ہفتہ دس دن میں شروع ہوئی ہے اور نہ ہی آج کے بعد ختم ہوجائے گی۔ پیپلزپارٹی مہنگائی کیخلاف کسی اور دن بھی احتجاج کرسکتی تھی۔ لیکن احتجاج کیلیے آج کے دن کا انتخاب یہ ظاہر کررہا ہے کہ پیپلزپارٹی کو بھی کراچی کے شہریوں کو ملنے والی اس خوشی پر کافی صدمہ پہنچا ہے۔
واضح رہے کہ گرین لائن بس منصوبے کا افتتاح سابق وزیراعظم نواز شریف نے 2016میں رکھا تھا،منصوبہ دوسال میں مکمل ہونا تھا تاہم مسلم لیگ ن کی حکومت اس منصوبے کو مکمل نہ کرسکی جبکہ موجودہ دور حکومت میں بھی سندھ حکومت کی جانب سے بسوں کی خریداری میں تاخیر اور دیگر وجوہات کی وجہ سے منصوبہ تاخیر کا شکار تھا۔بلآخر وفاقی حکومت نے 40 بسیں منگوا کر منصوبے کی راہ میں حائل رکاوٹ دور کردی۔
