شہباز گل کی لاہور کے مہنگے ترین کیفے میں صفائی کی ناقص صورتحال پر تنقید

وزیراعظم کے معاون خصوصی برائے سیاسی امور ڈاکٹر شہباز گل نے لاہور کے مہنگے ترین کیفے کی خستہ حالی کو تنقید کا نشانہ بنایا ہے ۔  معاون خصوصی کو ریسٹورنٹ پر تنقید مہنگی پڑگئی۔

سوشل میڈیا صارفین نے شہباز گل کوحکومت میں رہ کر کارروائی کے بجائے تنقید کرنے پر کھری کھری سنادی۔

یہ بھی پڑھیے

ملک میں فارمولا حکومتیں بنانے والے اب حل تلاش کر رہے ہیں، زرداری

خیبر پختون خوا کے بلدیاتی انتخابات، پی ٹی آئی کی لنکا اپنوں نے ڈھا دی

ڈاکٹر شہباز گل نے گزشتہ روز اپنے ٹوئٹ میں  لاہور کے ایک مہنگے ترین کیفے  کے گندے صوفہ سیٹ کی تصویر شیئر کرتے ہوئے کیفے میں  بھارتی معاوضے کے عوض فراہم کی جانے والی خدمات کے معیار اور صفائی کو قابل افسوس قرار دیا۔

Here is Lahore’s one of the most expensive cafes. They charge u manhattans rates but their service quality cleanliness is pathetically bad pic.twitter.com/9VUY0tHgtO

— Dr. Shahbaz GiLL (@SHABAZGIL) December 20, 2021

شہبازگل کو ریسٹورنٹ کے خلاف پوسٹ لگانے پر لینے کے دینے پڑگئے۔ناقدین نے انہیں یاد دلایا کہ حکومت میں ہوتے ہوئے ان کا کام تنقید اور نشاندہی کرنا نہیں بلکہ کیفے کیخلاف کارروائی کرنا ہے۔ ایک صارف نے ٹوئٹ پر اپنے تبصرے میں لکھا کہ کیفے کا نام کیوں نہیں بتایا،کیفے پر جرمانہ عائد کرنے کے علاوہ مالک کے خلاف سخت کارروائی کرنا آپ کا فرض ہے۔

Where is health department of Usman Buzdar?
Lahore is pathetic now
Full of trash and broken roads.
Great Buzdar did his best…
آپ لوگوں نے "پی ٹی آئی” کا نظریاتی کارکن اور ووٹر کھو دیا ھے۔

— TOUQIR LODHI 📚 🇵🇰 (@LodhiTouqir) December 20, 2021

ایک اور صارف نے سوال کیا کہ عثمان بزدار کا محکمہ صحت کہاں ہے؟ لاہور کی حالت اب  قابل افسوس ہے۔ کچرے سے بھری اور ٹوٹی پھوٹی سڑکیں۔ عظیم بزدار  اپنی پوری کوشش  کرچکے، آپ لوگوں نے اپنا نظریاتی کارکن اور ووٹر کھودیا ہے۔

خیبر پختونخوا کے بلدیاتی انتخابات پر بات کریں، آپ کو صوفہ سیٹ کی پڑی ہوئی ہے۔

— Noor Afridi (@Noor_Afridi3959) December 20, 2021

ایک صارف نے لکھا کہ خیبر پختونخواہکے بلدیاتی انتخابات پر بات کریں ، آپ کو صوفے کی پڑی ہوئی ہے ۔

Rather than tweeting it… If we have a inspection department specially for all restaurant like check quality and clealiness if they are not maintaining the quality you can fined them or close their restaurant. This will fix the problem. Again it will open so many vacancy

— Mahammad Jahanzaib (@designerjazzy) December 21, 2021

ایک صارف نے تجویز دی کہ یہ تصویر ٹوئٹ کرنے سے بہتر  یہ ہے کہ اگر ہمارے پاس ایک محکمہ ہو جو ریسٹورنٹس کا معائنہ کرکے وہاں معیار اور صفائی کی جانچ پڑتال کرے اور جو ریسٹورنٹس معیار پر پورا نہ اتریں تو آپ ان پر جرمانہ عائد کریں یا ریسٹورنٹ بند کردیں، اس سے مسئلہ بھی حل ہوجائے گا اور بہت سی اسامیاں بھی پیدا ہوں گی۔