خیبرپختونخوا حکومت نے تاریخی منرو ٹریک بحال کردیا

خیبر پختونخوا حکومت کا صوبے میں ماحول دوست سیاحت کے فروغ کے لیے ایک اور مستحسن اقدام ،وادی  سران اور کاغان میں تاریخی منرو ٹریک کو بحال کردیاگیا۔

وزیراعظم عمران خان نے اپنے ٹوئٹ  کے ذریعے تاریخی منرو ٹریک کی بحالی کی خوشخبری سناتے ہوئے منصوبے کی تفصیلات سے آگاہ کیا ہے۔

یہ بھی پڑھیے

پاکستان ریلویز نے سیاحت کے فروغ کے لیے ٹورازم ٹرین چلادی

غیرملکی سیاحوں نے کے پی کے کو سیاحت کے لیے محفوظ قرار دے دیا

ماحول دوست سیاحت کے فروغ کے ہمارے ویژن کی روشنی میں پختونخوا میں #10BillionTreeTsunami کے تحت شب بسری کیلئے عارضی خیموں کی تنصیب کے دو مقامات سمیت 50 کلومیٹر رقبے پر محیط قدیم قدرتی جنگل میں #Monroe نامی تاریخی ہائیکنگ ٹریل بحال کر دیا گیا ہے۔ pic.twitter.com/i6kMSRFeFV

— Imran Khan (@ImranKhanPTI) December 24, 2021

وزیراعظم نے اپنے ٹوئٹ میں لکھا کہ ماحول دوست سیاحت کے فروغ کے ہمارے وژن کی روشنی میں پختونخوا  میں بلین ٹری سونامی کے تحت شب بسری کے لیے عارضی خیموں کی تنصیب کے 2مقامات سمیت50کلو میٹر رقبے پرمحیط قدیم قدرتی جنگل میں منرو نامی تاریخی ہائیکنگ ٹریل بحال کردیا گیا ہے۔

وزیراعظم نے ٹوئٹ کے ساتھ منرو ہائیکنگ ٹریل کی وڈیو بھی شیئر کی ہے جس میں ٹریک کے خوبصورت مناظر دکھا ئے گئے ہیں۔