پاک فوج نے مری میں ریسکیو آپریشن شروع کردیا
پاک فوج کی پلاٹونز مری پہنچ گئیں، ایف ڈبلیو او اور فوج کے انجینیئرز نے مری ایکسپریس وے کھول دیا، پھنسے ہوئے افراد میں کھانا اور دیگر اشیا تقسیم۔
مری میں پیش آنے والے افسوسناک واقعے میں 22 افراد جاں بحق ہوچکے ہیں، وفاقی وزیر داخلہ شیخ رشید مری پہنچ گئے ہیں اور میڈیا سے بات کرتے ہوئے بتایا کہ امدادی کارروائیوں کے لیے پاک فوج کی 5 پلاٹون ہنگامی بنیادوں پر بلوائی گئی ہیں، ایف سی اور رینجرز کو بھی طلب کرلیا گیا ہے۔
وزیراعظم عمران خان نے ٹویٹ کرتے ہوئے کہا کہ مری میں سیاحوں کی المناک اموات پر بہت غمزدہ ہوں، غیرمعمولی برفباری میں لوگ موسم کی معلومات کے بغیر وہاں پہنچ گئے اور ضلعی انتظامیہ اس کیلیے تیار نہیں تھی۔
Shocked & upset at tragic deaths of tourists on road to Murree. Unprecedented snowfall & rush of ppl proceeding without checking weather conditions caught district admin unprepared. Have ordered inquiry & putting in place strong regulation to ensure prevention of such tragedies.
— Imran Khan (@ImranKhanPTI) January 8, 2022
انہوں نے مزید کہا کہ انکوائری کا حکم دے دیا ہے اور آئندہ ایسے واقعات کے تدارک کے لیے سخت قوانین بنانے کی ہدایت کردی ہے۔
مسلم لیگ (ن) کی نائب صدر مریم نواز نے ٹویٹ کرتے ہوئے لکھا کہ عمران خان آپ کو عوام کا احساس ہے؟ یا دل سے رحم بالکل ختم ہوگیا ہے؟
تھوڑا سا بھی احساس ہے عوام کا یا رحم سے بالکل دل عاری ہے؟ اللّہ سے ڈر نہیں لگتا ؟ @ImranKhanPTI
— Maryam Nawaz Sharif (@MaryamNSharif) January 8, 2022
صحافی سمیرا خان نے ٹویٹ میں بتایا کہ ایف ڈبلیو او کے بل ڈوزر اور فوج کے انجینیئرز نے مری ایکسپریس وے کھول دیا ہے، پاک فوج نے 4 خیمے قائم کردئیے ہیں جو کہ ملٹری کالج مری، جھکا گلی، اے پی ایس کلدانہ اور اسٹیشن سپلائی ڈیپو پر ہیں۔
#PAF also established a Crisis Management Cell at Nathiya Gali to Rescue visitors stuck in near vicinity of PAF Base Kalabagh. If anyone’s relative or known person is stuck in near vicinity of Kalabagh.
Contact 03239418252/ 03218838444 for help Medical, Food, Shelter, Evacuation.— Sumaira Khan (@sumrkhan1) January 8, 2022
پاک فوج کے شعبہ تعلقات عامہ کے مطابق پاک فوج نے مری میں ریسکیو آپریشن شتروع کردیا ہے اور برف سے ڈھکی سڑکوں سے سیاحوں کو نکالنا شروع کردیا ہے۔
#ISPR
FWO dozers and army engineers have opened Murree Express way
Army has established 4 camps at Military college Murre, Jhika Gali , APS Kuldana, Station supply Depot Sunny Bank
All resources at the disposal of muree division in terms of engineers machinery mobilised pic.twitter.com/bidXUbMh8v— Sumaira Khan (@sumrkhan1) January 8, 2022
آئی ایس پی آر کا کہنا ہے کہ سڑکوں پر پھنسے ہوئے افراد کو کھانا اور دیگر ضروری اشیا فراہم کی جا رہی ہیں۔
پاک فضائیہ بھی اس موقع پر کسی سے پیچھے نہیں اور نتھیا گلی پر سیاحوں کو ریسکیو کرنے کے لیے کرائسس مینجمنٹ سیل قائم کردیا گیا ہے، یہ ان افراد کے لیے ہے جو کہ پی اے ایف بیس کالاباغ کے قریب پھنسے ہیں۔