کرشنا کماری، سینیٹ اجلاس کی صدارت کرنیوالی پہلی خاتون ہندو سینیٹر

چیئرمین سینیٹ صادق سنجرانی نے خاتون سینیٹر کو کشمیر سے متعلق اجلاس کی صدارت کی دعوت دی، یوم یکجہتی کشمیر کے موقع پر خصوصی اجلاس منعقد ہوا۔

آج سینیٹ اجلاس کی صدارت سینیٹر کرشنا کماری کوہلی نے کی، چیئرمین سینیٹ نے انہیں خود اس اعزاز سے نوازا کہ وہ ایوانِ بالا کے اجلاس کی صدارت کریں۔

کرشنا کماری نے ٹویٹ کرتے ہوئے کہا کہ یوم یکجہتی کشمیر کی شام میرے لیے باعث اعزاز ہے کہ میں نے مقبوضہ جموں اور کشمیر کی صورتحال پر بحث کے لیے سینیٹ اجلاس کی صدارت کی۔

یہ بھی پڑھیے

چترال سے سینیٹر کے لیے خاتون اُمیدوار فلک ناز نامزد

نیوزی لینڈ کی حاملہ خاتون صحافی نے طالبان سے مدد مانگ لی

انہوں نے سینیٹ رکن بننے کے لیے موقع دینے پر سینیٹ پاکستان اور چیئرمین پیپلزپارٹی بلاول بھٹو کا شکریہ ادا کیا۔

خیال رہے کہ سینیٹر کرشنا کماری کا تعلق پیپلزپارٹی سے ہے، وہ 2018 کے سینیٹ انتخابات میں خواتین کی مخصوص نشست سے سینیٹر منتخب ہوئی تھیں۔

سینیٹر فیصل جاوید خان نے ٹویٹ کرتے ہوئے بتایا کہ کشمیر سے متعلق سینیٹ اجلاس کی صدارت ہندو سینیٹر کرشنا کماری کوہلی نے کی۔

فیصل جاوید نے کہا کہ یومِ یکجہتی کشمیر پر یہ ایک مضبوط پیغام ہے، اس سے پاکستان اور بھارت کے درمیان واضح فرق بھی معلوم ہوتا ہے۔

متعلقہ تحاریر