درآمدات پر پابندی: کسٹمز حکام نے مسافروں سے چاکلیٹ اور بسکٹ ضبط کرنا شروع کر دیے

کسٹمز حکام نے درآمدی اشیاء پر پابندی کے نام پر وطن واپس آنے والے مسافروں کے چاکلیٹ ، بسکٹ اور دیگر کھانے پینے کی اشیاء ضبط کرنا شروع کر دیں۔

ویب ڈیسک25 مئی 2022

وفاقی حکومت درآمدی اشیاء کسٹم حکام — news 360

کراچی: وفاقی حکومت کی جانب سے درآمدی اشیاء پر سخت پابندی کے بعد کسٹم حکام نے مبینہ طور پر وطن واپس آنے والے مسافروں سے چاکلیٹ، بسکٹ اور دیگر کھانے پینے کی اشیاء ضبط کرنا شروع کردی ہیں۔

کسٹم حکام کی جانب سے ضبط کی گئی امپورٹڈ فوڈ آئٹمز بشمول چاکلیٹ اور بسکٹ کی تصاویر سوشل میڈیا پر وائرل ہورہی ہیں ، اور ساتھ ہی ضبط کیے گئے سامان کی پرچی کی تصویر بھی منظرعام پر آگئی ہے۔

یہ بھی پڑھیے

اسلام آباد ہائی کورٹ نے حنیف عباسی کو آئندہ سماعت تک کام سے روک دیا

سابق چیف جسٹس جی بی رانا شمیم نے اپنے خلاف عائد فرد جرم کو چیلنج کردیا

میڈیا رپورٹس کے مطابق یہ بات سامنے آئی کہ کسٹم حکام نے مختلف ’لگژری آئٹمز اور غیرضروری مصنوعات‘ جناح انٹرنیشنل ایئرپورٹ کراچی پر آنے والے مسافروں سے ضبط کیں ہیں۔

معلوم ہوا کہ اندرون ملک جانے والے مسافروں کو بھی ہوائی اڈوں پر کسٹم حکام کی جانب سے ان کے ہینڈ بیگز یا سامان میں ایسی اشیاء لےجانے سے روکا جا رہا ہے۔

19 مئی کو وفاقی حکومت نے ایک اقتصادی منصوبے کے تحت لگژری اور غیر ضروری اشیاء پر مکمل پابندی عائد کی تھی اور ان اشیاء میں کھانے پینے کی اشیاء، سجاوٹ کی اشیاء، لگژری گاڑیاں اور دیگر سامان شامل تھا۔