وزیراعلیٰ کا انتخاب، پی ٹی آئی کی درخواست پر سپریم کورٹ کا 3 رکنی بینچ تشکیل

تحریک انصاف نے  وزیراعلیٰ پنجاب حمزہ شہباز کے انتخاب سے متعلق لاہور ہائیکورٹ کے  فیصلے کیخلاف سپریم کورٹ میں اپیل دائر کردی۔ چیف جسٹس عمر عطا بندیال نے اپنی سربراہی میں 3 رکنی بینچ تشکیل دے دیا ۔

چیف جسٹس کی سربراہی میں جسٹس اعجاز الاحسن اور جسٹس جمال مندوخیل پر مشتمل 3 رکنی بینچ دوپہر ڈیڑھ بجے درخواست پر سماعت کرے گا۔

یہ بھی پڑھیے

حمزہ شہباز شریف پنجاب کے وزیراعلیٰ نہیں رہے

وزیراعلیٰ پنجاب کے انتخاب کا معاملہ: عمران خان اور پرویز الہیٰ کا عدالت عظمیٰ جانے کا اعلان

لاہور ہائیکورٹ کے 5 رکنی بینچ نے گزشتہ روز تحریک انصاف اور ق لیگ کی درخواستیں منظور کرتے ہوئے وزیراعلیٰ کے انتخاب کیلیے آج دوبارہ گنتی کرانے کا حکم دیا تھا۔

لاہور ہائیکورٹ کے فیصلے کیخلاف سپریم کورٹ میں اپیل دائر کر دی گئ ہے، امید ہے سپریم کورٹ اس بحران کو مدنظر رکھتے ہوئے آج ہی سماعت کرے گی اور پنجاب اسمبلی کا اجلاس روک دیا جائے گا

— Ch Fawad Hussain (@fawadchaudhry) July 1, 2022

تحریک انصاف کے سینئر رہنما فواد چوہدری نے سپریم کورٹ میں اپیل دائر کرنے کی تصدیق کردی۔فوادی چوہدری نے اپنے ٹوئٹ میں لکھا کہ لاہور ہائیکورٹ کے فیصلے کیخلاف سپریم کورٹ میں اپیل دائر کر دی گئی ہے، امید ہے سپریم کورٹ اس بحران کو مدنظر رکھتے ہوئے آج ہی سماعت کرے گی اور پنجاب اسمبلی کا اجلاس روک دیا جائے گا۔

واضح رہے کہ گزشتہ روز  لاہور ہائیکورٹ  کے پانچ رکنی بینچ نے چار ایک سے فیصلہ سناتے ہوئے  وزیر اعلیٰ کے انتخاب کیلیے دوبارہ گنتی کرانے کا حکم دیا تھا۔ عدالت نے گورنر پنجاب کو جمعہ کی شام چار بجے پنجاب اسمبلی کا اجلاس بلانے کی ہدایت کی تھی۔