پی ٹی آئی کے ڈاکٹر فرحان ورک کا ٹوئٹر اکاؤنٹ 3 سال بعد بحال
اپنے ٹویٹر اکاؤنٹ کی بحالی کیلئے 3 سال ٹویٹر ہیڈ کوارٹرز سے قانونی جنگ کی۔ بالآخر ہماری دن رات کی محنت سے انکو احساس ہوا کہ بھارتی حکومت کے دباؤ پر پاکستانیوں کے اکاونٹ اڑانے کا فیصلہ غلط تھا، فرحان ورک
مائیکرو بلاگنگ ویب سائٹ ٹوئٹر نے تحریک انصاف کے ڈاکٹر فرحان ورک کا اکاؤنٹ 3 سال بعد بحال کردیا۔
ڈاکٹر فرحان ورک نے 3 سال بعد اپنے اکاؤنٹ کی بحالی پر خوشی کا اظہار کرتے ہوئے اپنی تنقید کی زد میں رہنےوالوں سے معذرت کرلی۔
یہ بھی پڑھیے
مودی کے غیرقانونی احکامات کے خلاف ٹوئٹر نے عدالت سے رجوع کرلیا
وزیر اعظم کا عربی ٹوئٹر اکاؤنٹ بنتے ہی معطل پھر بحال ہوگیا
ڈاکٹر فرحان ورک نے اکاؤنٹ کی بحالی کےبعد پہلے ٹوئٹ میں اللہ کا شکر اداکیا۔
یا اللہ پاک تیرا شکر ہے۔
— Dr Farhan K Virk (@FarhanKVirk) July 7, 2022
اپنے دوسرے ٹوئٹ میں انہوں نے لکھا کہ میں تین سال بعد ٹویٹر سے قید سے آزاد ہوگیا بھائیوں بہنوں۔ ماشاءاللہ۔ مجھے بالکل یقین نہیں آ رہا۔ اتنی خوشی
میں تین سال بعد ٹویٹر سے قید سے آزاد ہوگیا بھائیوں بہنوں۔ ماشاءاللہ۔
مجھے بالکل یقین نہیں آ رہا۔ اتنی خوشی
— Dr Farhan K Virk (@FarhanKVirk) July 7, 2022
ایک اور ٹوئٹ میں انہوں نے ٹوئٹر کی خریداری کا سودا کرنے والے ایلون مسک کو ڈٹے رہنے کا مشورہ دیا اور بھارتی وزیراعظم نریندر مودی کو بھی للکارا۔
ایلون مسک اسی طرح ڈٹے رہو میرے بھائی۔ ہماری دعائیں تمھارے ساتھ ہیں۔
مودی کدھر ہو تم؟ ہمارا پرانا حساب باقی ہے
— Dr Farhan K Virk (@FarhanKVirk) July 7, 2022
سوشل میڈیا صارفین کے نام اپنے پیغام میں انہوں نے لکھا کہ میں نے جس جس کا بھی کبھی دل دکھایا ہے ۔ میں آپ سب سے معافی چاہتا ہوں۔ تین سال پہلے میں اور انسان تھا۔ اب میں الگ انسان ہوں۔ میں نے تین سال یہی سوچا کہ ٹویٹر پر واپس آیا تو سب سے معافی مانگوں گا اور ہمیشہ مثبت کام کرونگا۔ اپنے بھائی کی معذرت قبول کریں۔
میں نے جس جس کا بھی کبھی دل دکھایا ہے ۔ میں آپ سب سے معافی چاہتا ہوں۔ تین سال پہلے میں اور انسان تھا۔ اب میں الگ انسان ہوں۔ میں نے تین سال یہی سوچا کہ ٹویٹر پر واپس آیا تو سب سے معافی مانگوں گا اور ہمیشہ مثبت کام کرونگا۔ اپنے بھائی کی معذرت قبول کریں۔
— Dr Farhan K Virk (@FarhanKVirk) July 7, 2022
فرحان ورک نے 3 سالہ پابندی کے دوران منہ موڑنے والے سے شکوہ بھی کیا۔
آپ لوگوں کو پتہ ہے جب میرا ٹویٹر اکاونٹ زندہ تھا تب ملک کے بڑے بڑے سارا دن ریٹویٹ مانگا کرتے تھے۔ جب اکاونٹ گیا تو ساروں نے نظریں پھیر لیں۔ ہر بندے کا کام کیا لیکن جب میں مشکل میں آیا تو سب غائب لیکن۔۔۔
اٹھ جا ورک اب وہ زمانے گئے
درد تو ہوا پر کچھ لوگ پہچانے گئے— Dr Farhan K Virk (@FarhanKVirk) July 7, 2022
اپنے اکاؤنٹ کی بحالی کیلیے لڑی گئی قانونی جنگ سے متعلق انہوں لکھا کہ میں نے اپنے ٹویٹر اکاونٹ کی بحالی کیلئے تین سال ٹویٹر ہیڈ کوارٹرز سے قانونی جنگ کی۔ بالآخر ہماری دن رات کی محنت سے انکو احساس ہوا کہ بھارتی حکومت کے دباؤ پر پاکستانیوں کے اکاونٹ اڑانے کا فیصلہ غلط تھا۔ اب وہ بھارتی حکومت کو چیلنج کر چکے ہیں،الحمداللہ!
میں نے اپنے ٹویٹر اکاونٹ کی بحالی کیلئے تین سال ٹویٹر ہیڈ کوارٹرز سے قانونی جنگ کی۔ بالآخر ہماری دن رات کی محنت سے انکو احساس ہوا کہ بھارتی حکومت کے دباؤ پر پاکستانیوں کے اکاونٹ اڑانے کا فیصلہ غلط تھا۔ اب وہ بھارتی حکومت کو چیلنج کر چکے ہیں الحمداللہ https://t.co/VPVnGGeuU6
— Dr Farhan K Virk (@FarhanKVirk) July 7, 2022
ڈاکٹر فرحان ورک نے 3 سال کے دوران وفات پاجانے والی معروف شخصیات کیلیے فاتحہ خوانی کی بھی درخواست کی۔
پچھلے تین سال میں جب میں ٹویٹر پر نہیں تھا تو علامہ ضمیر حسین، علامہ خادم رضوی، نعیم الحق صاحب، ڈاکٹر عبدالقدیر خان اور عامر لیاقت حسین صاحب جیسے ہمارے بھائی ہمارے دوست اس دنیا سے گئے۔
آپ سب سے انکے لئے ایک مرتبہ سورہ فاتحہ پڑھنے کی التماس ہے۔
— Dr Farhan K Virk (@FarhanKVirk) July 7, 2022
فرحان ورک نے نوجوانوں کو ریاست کیخلاف اکسانے والوں کا مقابلہ کرنے کا اعلان بھی کیا۔
انشااللہ جب تک میری آواز اب اس اکاونٹ پر موجود ہے، میری کوشش ہوگی کہ ہمارے نوجوانوں کو غلط بیانیہ دیکر جو ریاست کے خلاف بعض لوگ اکسا رہے ہیں اس بیانیہ کو ختم کیا جائے۔ ملک کے حقیقی مسائل کچھ اور ہیں اور ہمیں بعض عناصر اپنے ہی گھر کو آگ لگانے پر اکسا رہے ہیں۔
— Dr Farhan K Virk (@FarhanKVirk) July 8, 2022
فرحان ورک آج سے 3 سال پہلے بھی ریاست پاکستان کی سالمیت کے نام پر کھڑا تھا اور آج 3 سال بعد جب واپس آیا ہوں تو حالات اس قدر خراب ہیں کہ لوگ اپنے اداروں کے خلاف لڑنے کی باتیں کر رہے ہیں۔ ناراضگی سب کا حق ہے لیکن ایسا نہیں ہونا چاہئے کہ ہم غصے میں اپنے ہی گھر کو آگ لگائیں۔
— Dr Farhan K Virk (@FarhanKVirk) July 8, 2022
انہوں نے واضح کیا کہ ان کا تحریک انصاف اور عمران خان سے کوئی اختلاف نہیں ہے۔
ایک بات میں واضح کردوں کہ میرا تحریک انصاف سے یا خان صاحب سے کوئی اختلاف نہیں۔
میرا اختلاف ان لوگوں سے ہے جنہوں نے تین سال میری غیر موجودگی میں نقب لگا کر میجر گورو آریہ کا بیانیہ پاکستانی نوجوانوں کو دیا۔
اللہ پاک کی ذات کامیابی دینے والی ہے۔ انشااللہ اس بیانیہ کو شکست ہوگی
— Dr Farhan K Virk (@FarhanKVirk) July 8, 2022
