غریدہ فاروقی، مشبر لقمان، اور وقار ستی کو ایک جیسے ٹوئٹ کرنے پر کڑی تنقید کاسامنا

تحریک انصاف کے سربراہ عمرن خان کی  ٹی وی پر براہ راست  تقاریر پر پاکستان الیکٹرانک میڈیا ریگولیٹری اتھارٹی نے پابندی عائد کی تو صحافی غریدہ فاروقی، مشبر لقمان اور وقارستی نے پیمرا کے اقدام کی مکمل حمایت کرتے ہوئے واٹس اپ گروپ پر موصول پیغام بنا کسی تبدیلی کے ایک ہی وقت میں ٹوئٹ کردیئے۔

پی ٹی آئی چیف سابق وزیراعظم عمرن خان کی  ٹی وی پر براہ راست  تقاریرپرپاکستان الیکٹرانک میڈیا ریگولیٹری اتھارٹی پابندی کا نوٹی فکیشن جاری ہوتے ہی صحافی غریدہ فاروقی، مبشر لقمان اور وقارستی ایک ہی وقت میں ایک جیسے الفاظ پر مشتمل ٹوئٹ کردیئے۔

یہ بھی پڑھیے

غریدہ فاروقی اور سلیم صافی نے اپنے ٹوئٹس سے عدلیہ کو رگڑ کر رکھ دیا

غریدہ فاروقی نے ٹوئٹرپیمرا کے اقدام کی حمایت کرتے ہوئےلکھا کہ جب تین دفعہ کے وزیراعظم اورپاکستان کی سب سے بڑی سیاسی جماعت کے سربراہ کا میڈیا بلیک آؤٹ کیا جاسکتا ہے تو عمران خان کا کیوں نہیں؟ ۔

جب تین دفعہ کے وزیراعظم اور پاکستان کی سب سے بڑی سیاسی جماعت کے سربراہ کا میڈیا بلیک آؤٹ کیا جاسکتا ہے تو عمران خان کا کیوں نہیں؟ اسٹیبلشمنٹ کب تک عمران خان کو بچاتی رہے گی اور ہیرو بناتی رہے گی؟ جو گفتگو عمران خان/PTI کر رہے ہیں یہ آج تک کسی نے نہیں کی۔ کب تک برداشت ہو گی!!؟؟

— Gharidah Farooqi (@GFarooqi) August 21, 2022

ان کاکہنا تھا کہ اسٹیبلشمنٹ کب تک عمران خان کو بچاتی رہے گی اور ہیرو بناتی رہے گی؟۔ جو گفتگو پی ٹی آئی کے سربراہ  عمران خان کر رہے ہیں یہ آج تک کسی نے نہیں کی۔ کب تک برداشت ہو گی؟۔

مبشر لقمان اور وقار ستی نے بھی درج بالا الفاظ اپنے ٹوئٹر پیغامات میں  دہرائے جبکہ غریدہ فاروقی اور مبشر لقمان نے ایک ہی وقت میں ٹوئٹ کیا جبکہ وقار ستی نے ان دونوں سے صرف چند منٹ قبل یہی الفاظ دہرائے تھے ۔

سوشل میڈیا صارفین نے ایک جیسے الفاظ پر مشتمل ٹوئٹ کرنے پر تینوں صحافیوں پر کڑی تنقید کی ۔ ایک ٹوئٹر صارف نے لکھا کہ  جب لفافہ ایک جیسا ہو تو الفاظ بھی ایک جیسے ہو جاتے ہیں۔

 سہیل احمد نامی ٹوئٹر صارف نے بھی غریدہ فارقی کے پیغام پر اپنی رائے دیتے ہوئے کہا کہ سب کو ایک ہی وٹس ایپ  پیغام موصول ہوا  ہے۔ مبشر لقمان  نے بھی یہی ٹویٹ کیا صرف 15 سیکنڈ کا فرق ہے۔

سب کو ایک ہی وٹس ایپ آیا مبشر لقمان نے بھی یہی ٹویٹ کیا صرف 15 سیکنڈ کا فرق ہے

— Sohail Ahmed (@SohailA26108476) August 21, 2022

سلمان نامی صارف پر لطف پیرائے میں تینوں صحافیوں پر تنقید کی۔ انہوں نے کہا کہ اب میں آیا ہوں تو آپ سوچ رہے ہوں گے کہ مزاق اڑانے آیا ہے میں مزاق اڑانے نہیں آیا لیکن مجبوری ہے۔ صبح سے طبیعت نارمل تھی ایسے لطیفے پڑھ کے دل خوش ہوگیا ۔

اب میں آیا ہوں تو آپ سوچ رہے ہوں گے کہ مزاق اڑانے آیا ہے میں مزاق اڑانے نہیں آیا لیکن مجبوری ہے 😂
صبح سے طبیعت نارمل تھی ایسے لطیفے پڑھ کے دل خوش ہو گیا بہت شکریہ جناب۔۔😁😂

— Salman🇵🇰💧 (@SalmanAamirKhan) August 21, 2022

ایک ٹوئٹر صارفین نے وقار ستی کو پیغام پر کمنٹ کرتے ہوئے کہا کہ تینوں صحافیوں کو واٹس اپ صحافی قرار دیتے ہوئے کہا کہ وٹس ایپ صحافت نامنظور،کیا یہ صرف اتفاق ہے کہ بلکل یہ ہی الفاظ اب تک غریدہ او مبشر لقمان بھی ٹویٹ کر چکے ہیں۔

وٹس ایپ صحافت نامنظور!😂
کیا یہ صرف اتفاق ہے کہ بلکل یہ ہی الفاظ اب تک غریدہ او مبشر لقمان بھی ٹویٹ کر چکے ہیں!

— Mian Abeer Islam (@MianAbeerIslam2) August 21, 2022