لیگی نائب صدر مریم نواز کی ٹوئٹر ڈی پی کڑی تنقید کا نشانہ بن گئی
سوشل میڈیا صارفین نے کہا کہ ملک ایک سیلاب کی آفت کا شکار ہے جبکہ ملکی سیاسی رہنماؤں کو فوٹو سیشنز سے ہی فرصت نہیں مل رہی ہے ، مریم نواز نے ملک پر آئی آفت کو ڈی پی بدلنے کا موقع سمجھ لیا ہے
پاکستان مسلم لیگ نون (پی ایم ایل این) کی نائب صدرمریم نواز نے سیلاب زدہ علاقے کے دوران متاثرین بچوں کے ساتھ تصاویر بنائیں اوران تصاویر میں سے ایک تصویرانہوں نے سوشل میڈیا ایپ ٹوئٹر پر بطور ڈسپلے پکچر (ڈی پی) لگائی تو صارفین کو ان کی یہ حرکت بلکل پسند نہ آئی اور انہوں نے نائب لیگی صدر کو تنقید کا نشانہ بنایا۔
مائیکروبلاگنگ سائٹ ٹوئٹر کی صارف نے مریم نواز کی پوسٹ ری ٹوئٹ کرتے ہوئے ان پرشدید تنقید کی۔ نادیہ نامی صارف نے کہا کہ ملک ایک آفت کا شکار ہے جبکہ مریم نوازنے اس کوٹوئٹر پر ڈی پی بدلنے کا موقع سمجھ لیا ہے۔ انہوں نے افسوس کا اظہارکرتے ہوئے کہا کہ کیا لوگ ہیں ہیں ہم۔
یہ بھی پڑھیے
نون لیگ کی مریم نواز کے بعد پی پی کے یوسف رضا گیلانی بھی گرگئے
اسکارلیٹ سیفائر(سمن) نامی ٹوئٹرہینڈل سے تنقیدی پیغام میں کہا گیا کہ یہ لوگ؟، میں انہیں انسان نہیں کہوں گی۔ انسان اورانسانیت کا مطلب ہمدردی اور احساس ہے جبکہ حمیرا نامی ایک صارفہ نے انہیں ڈرامہ کوئین قرار دے دیا۔
People? I really wouldn’t call them humans. Human beings are meant to have empathy/compassion/feelings.
— ScarletSapphire (Saman) 💎🧙🏽♀️🇵🇰🇺🇸 (@SDJasmine) August 31, 2022
ریاض نیاز ایک صارف نے مریم نواز کو مخاطب کیا اورکہا کہ محترمہ ثابت کیا کرنا چاہتی ہیں؟ یہ اسکرپٹ جھوٹے ڈرامے بہت پرانے ہوچکے ہیں، اب لوگ اس مصنوعی پن سے نفرت کرتے ہیں لیکن تمہارے ذہن سوچ میں میڈیا پھنس چکا ہے اور میڈیا خرید رہی ہو۔
محترمہ ثابت کیا کرنا چاھتی ھو یہ سکرپٹ جھوٹ ڈرامے بہت پرانے ھوچکے ھین اب لوگ اس مصنوعی پن سے نفرت کرتے ھیں لیکن تمھارے زھن سوچ میں میڈیا پھنس چکا ھے میڈیا خرید رھی ھو سیل بنا رھی ھو
— riazniaz (@riazniaz43) August 31, 2022
اروہی نامی ایک ٹوئٹر ہینڈل پر پیغام میں مریم نواز کی تصویر پر طنز کرتے ہوئے کہا گیا کہ ان کے فوٹو سیشنز دیکھ کر لگتا ہے کہ حبیب جالب نے ٹھیک ہی کہا تھا کہ ۔
ہوئے ہیں جھونپڑے ہی نذرِ طوفاں
مگر قائم ہیں اب تک قصر و ایواں
خدایا کوئی آندھی اس طرف بھی
اُلٹ دے ان کلہداروں کی صف بھی
اِن کے فوٹو سیشنز دیکھ کر حبیب جالب نے ٹھیک کہا تھا
ہوئے ہیں جھونپڑے ہی نذرِ طوفاں
مگر قائم ہیں اب تک قصر و ایواں
خدایا کوئی آندھی اس طرف بھی
اُلٹ دے ان کلہداروں کی صف بھی— Aaroohi PTI KSA 🇵🇰 (@Aaarohhii) August 31, 2022
