پیپلزپارٹی کے رہنماؤں کی ایما پر پولیس غیرقانونی طورپر صحافیوں کو گرفتارکرنے لگی

وزیراعلیٰ سندھ سید مراد علی شاہ نے میرپورماتھیلو گھوٹکی میں ریلیف کیمپ سے غیرمسلم سیلاب متاثرین کو بے دخل کرنے کی خبر دینے والے   نجی ٹی وی چینل گرفتار صحافی نصراللہ گڈانی کو فوری رہا کرنے کا حکم دے دیا ۔

نجی ٹی وی چینل سماء کے صحافی سنجےسدھوانی نے سماجی رابطے کی سائٹ ٹوئٹر پراپنے پیغام میں بتایا کہ پولیس نے صحافی نصراللہ گڈانی کو میرپورماتھیلو گھوٹکی میں ریلیف کیمپ سے غیرمسلم سیلاب متاثرین کوبے دخل کرنے کی خبر دینے پر گرفتارکرلیا ۔

یہ بھی پڑھیے

پنجاب حکومت میں دو صحافی زیرعتاب، ایک خلاف ایف آئی آر درج دوسرے کو قتل کی دھمکی موصول

انہوں نے ایک تصویر شیئر کی  جس میں پولیس اہلکارایک شخص کا چہرہ کپڑے سے چھپا کر ہاتھوں میں ہتھکڑی لگا کرلے جاتے دیکھا جاسکتا ہے ۔

گھوٹکی پولیس ، ضلع انتظامیہ کی ملی بھگت سے اقلیتوں کو ریلیف کیمپ سے باہر نکالنے کی کوریج کرنے کی جرم میں پولیس نے صحافی نصر اللہ گڈانی کو گرفتار کیا ہے جسے پانچ روزہ جسمانی ریمانڈ پر پولیس کے حوالے کیا گیا ہے یہ کیسا انصاف ہے؟ @BBhuttoZardari @MuradAliShahPPP آپ نوٹس کیوں لیتے 🙏🏻 pic.twitter.com/GHwOiSsxmg

— Sanjay Sadhwani (@sanjaysadhwani2) September 7, 2022

سنجے سدھوانی نے بتایا کہ یہ وہ  شخص ہے جس نے ریلیف کیمپ  سے غیرمسلم سیلاب متاثرین کو بے دخل کرنے کی خبردی تھی جس پر انتظامیہ نے مقدمہ درج کرکے اسے گرفتارکرلیا ۔

صحافی نے کہا کہ اپنے فرائض انجام دینے والے صحافی کو اس طرح گرفتار کرکے عدالت میں پیش کیا جارہا ہے کہ جیسے یہ صحافی نہیں بلکہ بہت بڑا کوئی دہشت گرد ہو۔ یہ کہاں کا انصاف ہے؟۔

واضح رہے کہ میرپورماتھیلو گھوٹکی کے مقامی صحافی نصراللہ گڈانی کی ایک ویڈیو رپورٹ شیئر کی تھی جس میں دیکھاجاسکتا تھا کہ ریلیف کیمپوں سے سیلاب سے متاثرہ غیرمسلم بھاگڑیوں کی کمیونٹی کے لوگوں کو انتظامیہ کی جانب سے باہر نکالا جارہا ہے۔

یہ صحافی نصر اللہ گڈانی ہیں جس نے کل دکھایا کہ گھوٹکی ریلیف کیمپ سے اقلیتوں کو باہر نکال دیا ہے اور کہا ہے آپ متاثر نہیں ہے اس صحافی پر مقدمہ درج کرکے دہشتگردوں کی عدالت لایا گیا ہے یہ کہاں کا انصاف ہے @HamidMirPAK @MuradAliShahPPP https://t.co/4IILlDLX24 pic.twitter.com/0GGepQDxmw

— Sanjay Sadhwani (@sanjaysadhwani2) September 7, 2022

انہوں نے بتایا کہ انتظامیہ سیلاب زدگان کو یہ کہہ کر ریلیف کیمپوں سے باہر نکال رہی ہے کہ وہ متاثرہ لوگ نہیں ہیں، سنجے سدھوانی نے رہنما پیپلزپارٹی شرجیل انعام میمن کو مخاطب کرتے ہوئے کہا کہ یہ کیسے معلوم کیا گیا کہ یہ متاثرین نہیں ہیں؟

میرپورماتھیلو گھوٹکی ریلیف کیمپ سیلاب سے متاثرہ غیر مسلم بھاگڑیوں کمیونٹی کے لوگوں کو انتظامیہ نے باہر نکال دیا ہے ۔ وہان مقامی صحافی نصراللہ گڈانی کے مطابق انتظامیہ کہتی ہے یہ متاثرین نہیں ہے #FloodInPakistan @sharjeelinam یہ کیسے معلوم کیا گیا ہے کہ یہ متاثرین نہیں ہے؟ pic.twitter.com/K47R5DIzsC

— Sanjay Sadhwani (@sanjaysadhwani2) September 6, 2022

صحافی کی گرفتاری کی اور سندھ پولیس کے غیرمنصفانہ اورغیرقانونی عمل کی خبرنشر ہوتے ہی وزیراعلیٰ سندھ  کو ہوش آیا اورانہوں نے فوری طور پر صحافی کو رہا کرنے کا حکم دے دیا ۔

یاد رہے کہ پولیس نے انتظامیہ کی مدعیت میں مقدمہ درج کرکے صحافی نصر اللہ گڈانی کو گرفتارکیا اورعدالت سے  جسمانی ریمانڈ بھی حاصل کرلیا تھا ۔