مسلم لیگ نون کا نیا پارٹی ترانہ لاتوں اور گھونسوں کی گونج میں ریلیز کردیا گیا
گجرانوالہ میں مسلم لیگ نون کے کنونشن میں پارٹی کے ترانے کا افتتاح تھپڑوں، لاتوں اور ڈنڈوں سے ہوا، لیگیوں نے اپنی ہی پارٹی کے کارکنوں کو دشمن سمجھتے ہوئے شدید تشدد کا نشانہ بنایا، کارکنوں میں جھگڑا خرم دستگیر کے ساتھ سیلفی بنانے کے معاملے پر ہوا جبکہ دوسری جانب پارٹی ترانہ بھی بھارتی گانے کا چربہ ثابت ہوا
پاکستان مسلم لیگ نون کے کارکن گجرانوالہ میں ایک دوسرے پر بل پڑے۔ وزکرز کنونشن میں کارکنان نے ایک دوسرے پر تھپڑوں، گھونسوں کی برسات کردی جبکہ ڈنڈوں کا بھی آزادانہ استعمال ہوتا رہا ۔
گجرانوالہ میں پاکستان مسلم لیگ نون کے کنونشن میں پارٹی کے ترانے کا افتتاح تھپڑوں، لاتوں اور ڈنڈوں سے ہوا۔ کنونشن میں لیگی کارکنان اپنی ہی پارٹی کے دوسرے کارکنان کو دشمن سمجھ پر حملہ آوور ہوگئے ۔
یہ بھی پڑھیے
نون لیگی قائد نوازشریف کی ایک مرتبہ پھر اسٹیبلشمنٹ پر شدید لفظی گولہ باری
نون لیگ کے رہنما اور وفاقی وزیر برائے توانائی خرم دستگیر کی جانب سے منعقد کیے گئے ورکرز کنونشن میں پارٹی کے نئے ترانے کا افتتاح ہونا تھا تاہم کارکنان آپس میں ایک دوسرے پر بل پڑے ۔
مسلم لیگ ن کے نئے گانے کا افتتاح ڈنڈے، مکوں سے ہوگیا، گوجرانولہ میں ن لیگ کا ورکرز کنونشن، خرم دستگیر کیساتھ سیلفی بنانے پر جھگڑا، ڈنڈے،سوٹے چل گئے۔۔!!! pic.twitter.com/db22oTDrB6
— Mughees Ali (@mugheesali81) November 10, 2022
اطلاعات کے مطابق گجرانوالہ کنونشن میں نون لیگ کے کارکنان وفاقی وزیر برائے توانائی خرم دستگیر کے ہمراہ سیلفی بنانے کے معاملے پر گتھم گتھ ہوگئے۔ اس دوران تھپڑوں، مکوں اور لاٹھیوں کا آزادانہ استعمال کیا گیا ۔
نون لیگی کارکنوں نے اپنی پارٹی کے نئے ترانے کا افتتاح لاتوں، گھونسوں اور ڈنڈوں سے استعمال کیا جبکہ دوسری جانب وڈیو سوشل میڈیا پر وائرل ہوئی تو صارفین نے نون لیگ کی ایک اور چوری پکڑ لی ۔
سوشل میڈیا صارفین نے انکشاف کیا کہ نون لیگ کی جانب سے جاری کیا گیا نیا پارٹی ترانہ ایک بھارتی گانے کا چربہ ہے۔ رام نامی ایک ٹوئٹر ہینڈل سے کہا گیا ہے کہ یہ کیا انڈین گانے کا چربہ بنایا ہے ۔
یہ کیا انڈین گانے کا چربہ بنایا ہے
— Ram (@ram_world_77) November 10, 2022
ماریہ خان نامی ایک ٹوئٹر ہینڈل سے کہا گیا کہ خزانے کی چوری کے بعد پیش خدمت ہے انڈین گانوں کی چوری۔ انہوں نے لیگی قیادت پر تنقید کی اور کہا کہ چور چوری سے جائے ہیرا پھیری سے نہ جائے۔
ایک ٹوئٹر صارف نے نون لیگ کے کارکنوں پر سخت تنقید کرتے ہوئے کہا کہ ن لیگ والوں نے خرم دستگیر کو کرینہ کپور سمجھ لیا ہے۔ کوئی مانے یا نہ مانے ان کو علاج کی ضرورت ہے ۔
ان جاہل ن لیگ والوں نے خرم دستگیر کو کرینہ کپور سمجھ لیا ہے ۔ان کو علاج کی ضرورت ہے کوئ مانے یا نہ مانے۔
— ѕнαкєєℓ αкяαм🇵🇰 (@ShakeelAkram13) November 10, 2022
سوشل میڈیا پر گردش کرتی نون لیگی کارکنوں کے جھگڑے کی وڈیو پر ایک صارف نے ڈانس قرار دیا۔ ابوعبداللہ نامی صارف نے کہا کہ آپ کو غلط فہمی ہوئی ہے۔ یہ ڈانس کررہے ہیں۔
آپ کو غلط فہمی ہوئی ہے۔ یہ ڈانس کر رہے ہیں۔
— Abu Abdullah (@im_AbuAbdullah) November 10, 2022
