مسلم لیگ نون اسٹیبلشمنٹ کے غیرآئینی اقدامات کی آلہ کار ہے، الطاف حسین
متحدہ قومی موومنٹ کے بانی الطاف حسین نے صحافیوں کو درپیش مشکلات پر اپنے غم وغصے کا اظہارکیا، انہوں نے صحافی اسد طور کے وارنٹ گرفتاری جاری ہونے پر وزیراعظم شہباز شریف کو تنقید کا نشانہ بناتے ہوئے کہا کہ مسلم لیگ نون (پی ایم ایل این) نے اپنے ہردورحکومت میں ہمیشہ اسٹیبلشمنٹ کےغیرآئینی اورغیرقانونی عمل کےخلاف اٹھنے والی آوازوں کو دبایا ہے
متحدہ قومی موومنٹ کے بانی الطاف حسین کا کہنا ہے کہ پاکستان مسلم لیگ نون (پی ایم ایل این ) نے اپنےہردورحکومت میں ہمیشہ اسٹیبلشمنٹ کے غیرآئینی اورغیرقانونی عمل کےخلاف اٹھنے والی ہر آواز کو دبایا ہے ۔
سوشل میڈیا ایپ ٹوئٹرپراپنے یک پیغام میں متحدہ قومی موومنٹ کے بانی الطاف حسین پاکستان مسلم لیگ نون کو کڑی تنقید کیا نشانہ بنایا ہے۔ انہوں نے پی ایم ایل این کو اسٹیبلشمنٹ کی بی ٹیم قرار دیا ہے ۔
یہ بھی پڑھیے
کیا نواز شریف الطاف حسین کو دوبارہ سیاست میں زندہ کرنا چاہتے ہیں؟
الطاف حسین کا کہنا تھا کہ مسلم لیگ ن نے اپنےہردورحکومت میں ہمیشہ اسٹیبلشمنٹ کےغیرآئینی اورغیرقانونی عمل کےخلاف اٹھنے والی آوازوں کو دبایا ہے۔ اسد طور کے وارنٹ جاری ہونا اسکی تازہ مثال ہے۔
وزیراعظم شہباز شریف صاحب!
مسلم لیگ ن نے اپنےہردورحکومت میں ہمیشہ اسٹیبلشمنٹ کےغیرآئینی اورغیرقانونی عمل کےخلاف اٹھنے والی ہر آوازبشمول مجھ سمیت سب کےخلاف اسٹیبلشمنٹ کے اشاروں پرعمل کیا ہے
جسکی تازہ مثال @AsadAToor کےوارنٹ گرفتاری جاری کرناہےجسکی جتنی مذمت کی جائے کم ہے۔ @cyalm— Altaf Hussain (@AltafHussain_90) November 18, 2022
متحدہ قومی موومنٹ کے بانی الطاف حسین نے سینئر صحافی اسد علی طورکے وارنٹ گرفتار جاری ہونے کی غم وغصے کا اظہار کرتے ہوئے کہا کہ اس اقدام کی جتنی مذمت کی جائے وہ کم ہے ۔
وزیراعظم شہباز شریف کو مخاطب کرتے ہوئے الطاف حسین کا کہنا تھا کہ نون لیگ ہمیشہ اسٹیبلشمنٹ کےغیرآئینی اقدامات کی حمایت میں کھڑی ہوئی۔ اسٹیبلشمنٹ کے اشاروں پر میری آواز دبائی گئی ۔
ٹوئٹر صارف نےالطاف حسین کے پیغام پر اپنی رائے کا اظہار کرتے ہوئے کہا کہ مسلم لیگ نون کے ہر دورحکومت میں اسٹیبلشمنٹ کی چاپلوسی میں ایم کیو ایم کے خلاف غیرآئینی اقدامات کی سیاہ تاریخ کاحصہ ہے۔
مسلم لیگ ن کے ہر دور حکومت میں اسٹیبلشمنٹ کی چاپلوسی میں بانیان پاکستان کی اولادوں یعنی مہاجروں ، انکی نمائندہ جماعت @OfficialMqm اور بانی وقائد @AltafHussain_90 کے خلاف غیرآئینی وغیرقانونی اقدامات کی سیاہ تاریخ ریکارڈ کاحصہ ہے
— Qasim Ali (@QasimalirazaAli) November 18, 2022
حسن بٹ نامی ایک ٹوئٹر ہینڈل سے کہا گیا ہے کہ آپ کی تعلیمات کی روشنی میں صحافی سمیت تمام وہ آوازیں جو حق و سچ کا بہادری سے ساتھ دیتی ہیں انہیں خاموش کرانے کی ہر کوشش اور عمل کی شدید مذمّت کرتے ہیں۔
محترم قائد،
آداب۔
آپ کی تعلیمات کی روشنی میں صحافی @AsadAToor سمیت تمام وہ آوازیں جو حق و سچ کا بہادری سے ساتھ دیتی ہیں انھیں خاموش کرانے کی ہر کوشش اور عمل کی شدید مذمّت کرتے ہیں۔ @cyalm
— Hassan Butt (@IHassanButt) November 18, 2022
واضح رہے کہ کراچی کی ایک مقامی عدالت نے سینئر صحافی علی عمران جونیئر اور اسدعلی طور کی گرفتاری کے احکامات جاری کرتے ہوئے 3 دسمبر تک عدالت میں پیش کرنے کا حکم دیا ہے ۔
عدالت کے ایڈیشنل سیشن جج نے ایگزیٹ کمپنی کے ملازم احسن رضا کی جانب سے دائر درخواست پر اسد علی طور اور محمد شفیع عرف علی عمران جونیئر کو گرفتار کرنے کا حکم جاری کیا۔
سینئر صحافی علی عمران جونیئر اور اسد علی طور کے وارنٹ گرفتاری کے اجراء پر کراچی یونین آف جرنلسٹس (کے یو جے ) نے تشویش کا اظہار کیا اور معاملے کو جرنلسٹ پروٹیکشن کمیشن میں لے جانے کا فیصلہ کیا ہے ۔
کراچی یونین آف جرنلسٹس (کے یو جے) کے صدر شاہد اقبال اور جنرل سیکریٹری فہیم صدیقی نے عمران جونیئر اور اسد طور کے وارنٹ گرفتاری کا اجرا ملک میں آزادی اظہار رائے اور آزادی صحافت کے خلاف ہے۔