خواجہ آصف کی میڈیا پر تنقید، آرمی چیف سے متعلق منفی خبروں سے گریز کا مشورہ

پاکستان مسلم لیگ نون کے رہنما اور وزیردفاع خواجہ آصف کا کہنا ہے کہ افواج پاکستان کے سربراہ کے تعیناتی کے عمل کو میڈیا متنازع بنارہا ہے ۔ قومی نشریاتی اداروں کو  ایسا رویہ اپنانے سے گریز کرنا چاہیے ۔

وفاقی وزیر برائے امور دفاع خواجہ آصف نے افواج پاکستان کے سربراہ کی تعنیاتی سے متعلق میڈیا کے کردار کو نا پسندیدہ قرار دیتے ہوئے کہا کہ قومی نشریاتی اداروں سے ایسا رویہ اپنانے سے گریزاں ہونا چاہیے ۔

یہ بھی پڑھیے

نئے آرمی چیف کی تقرری: فواد چوہدری کے بیان نے ہلچل مچادی

اپنے ایک ٹوئٹر پیغام میں خواجہ آصف نے کہا تھا کہ آرمی چیف کی تعیناتی کے تمام مراحل  جلد طے کرلیے جائیں گے۔ انہوں نے آرمی چیف کی تعیناتی کیلئے سمری وزیراعظم ہاؤس کو موصول ہونے کی تصدیق  بھی کی ہے ۔

سمری وزارت دفاع سے وزیراعظم آفس میں موصول ھو گئ. انشاءاللہ باقی مراحل بھی جلد طے ھو جائیں گے..

— Khawaja M. Asif (@KhawajaMAsif) November 22, 2022

افواج پاکستان کے شعبے تعلقات عامہ  آئی ایس پی آر کے مطابق جنرل ہیڈکوارٹرز(جی ایچ کیو) نے چیئرمین جوائنٹ چیفس آف اسٹاف کمیٹی اور آرمی چیف کی تعیناتی کیلئے سمری وزارت دفاع کو بھیج دی ہے ۔

GHQ has forwarded the summary for Selection of CJCSC and COAS, containing names of 6 senior most Lt Gens to MoD.

— DG ISPR (@OfficialDGISPR) November 22, 2022

پیپلز پارٹی کےشریک چیئرمین آصف زرداری نے وزیراعظم سے گزشتہ رات ملاقات کی جس میں آرمی چیف کے نام پر غور کیا گیا۔ آصف زرداری نے وزیراعظم کے فیصلے کو قبول کرنے کا اعلان بھی کیا تھا ۔

وزیر دفاع خواجہ آصف نے نئے آرمی چیف کی تعیناتی سے متعلق  قومی نشریاتی اداروں کو مورد الزام ٹھہراتے ہوئے کہا کہ میڈیا اس حوالے سے منفی رویہ اپنائے ہوئے ہے جبکہ اسے اس سے پرہیز کرنا چاہیے ۔

کل تک نام فائنل ہو جائیں گے، اتحادیوں اور کابینہ کو بھی فیصلے پر اعتماد میں لیا جائے گا، خواجہ آصف#News360 #BreakingNews #KhawajaAsif #ArmyChief #Islamabad @KhawajaMAsif pic.twitter.com/SdgMhQpEFY

— News 360 (@officialnews360) November 23, 2022

وزیراعظم سے ملاقات میں خواجہ آصف نے آرمی چیف کی تعیناتی سے متعلق امور پر تبادلہ خیال کیا تھا۔ انہوں نے کہا تھا کہ وزیراعظم سے ملاقات مشاورتی عمل کا حصہ ہے آرمی چیف کی تعنیاتی بھی شامل ہے ۔

وزیر دفاع نے کہا ہے کہ  نئے آرمی چیف کی تعناتی سے متعلق کچھ کچھ تکنیکی امور باقی ہیں جنہیں جلد حل کرلیا جائے گا اور25 یا 26 نومبرتک پاکستان فوج کے نئے سربراہ کی تعناتی کا اعلان کردیا جائے گا ۔

وزیردفاع میں سمری میں موجود نام بتانے سے گریز کیا تاہم ذرائع کا کہنا ہے کہ سمری میں سب سے پہلا نام لیفٹیننٹ جنرل عاصم منیر کا ہے جبکہ دوسرا لیفٹیننٹ جنرل ساحر شمشاد کا ہے۔

وزارت دفاع کو موصول سمری میں لیفٹیننٹ جنرل اظہر عباس، لیفٹیننٹ جنرل نعمان محمود، لیفٹیننٹ جنرل فیض حمید اور لیفٹیننٹ جنرل محمد عامر کا نام شامل ہے۔