بانی ایم کیو ایم الطاف حسین کا کراچی، حیدر آباد میں بلدیاتی الیکشن کے بائیکاٹ کا اعلان
مائیں، بہنیں، بزرگ اور حق پرست عوام بلدیاتی الیکشن کا مکمل بائیکاٹ کرکے ثابت کردیں کہ کل بھی لوگ الطاف حسین کے ساتھ تھے اور آج بھی لوگ الطاف حسین کے ساتھ ہیں، بانی ایم کیو ایم کی لندن میں گفتگو
متحدہ قومی موومنٹ (ایم کیو ایم ) کے بانی الطاف حسین نے اپنے حامیوں سے 15 جنوری کو کراچی اور حیدرآباد میں ہونے والے بلدیاتی انتخابات کے بائیکاٹ کی کال دے دی۔
گزشتہ روز لندن میں میڈیا کے نمائندوں سے گفتگو میں الطاف حسین نے کہا کہ ان کے حامیوں کو بلدیاتی انتخابات کا بائیکاٹ کرکے ان سے وفاداری کا ثبوت دینا چاہیے۔
یہ بھی پڑھیے
الطاف حسین کی بائیکاٹ کی اپیل پر کراچی والوں نے ایم کیوایم کو مسترد کردیا
ضمنی انتخابات میں عمران خان کی تاریخی فتح: پی ڈی ایم اپنے ہی جال میں پھنس گئی
الطاف حسین نے کہا کہ”بلدیاتی انتخابات ہونے والے ہیں،ساتھیوں، ماؤں،بہنوں، بزرگوں اور حق پرست عوام بلدیاتی الیکشن کے بائیکاٹ کی آج سے تیاری شروع کردیں،آپ بلدیاتی الیکشن کا مکمل بائیکاٹ کرکے ثابت کردیں کہ کل بھی لوگ الطاف حسین کے ساتھ تھے اور آج بھی لوگ الطاف حسین کے ساتھ ہیں“۔
ایم کیو ایم کے قائد الطاف حسین کا کراچی میں بلدیاتی انتخابات کے بائیکاٹ کا اعلان ۔ کیا اس اعلان کا اثر ایم کیو ایم پاکستان کے ووٹ بینک پر پڑ سکتا ہے؟ pic.twitter.com/SdyX6xyGSG
— Naimat Khan (@NKMalazai) November 29, 2022
یہ اعلان ایسے وقت میں سامنے آیا جب الطاف حسین کو برطانیہ کی عدالت میں ایم کیو ایم لندن اور پاکستان کے رہنماؤں کی جانب سے لندن کی7 جائیدادوں کی ملکیت کے دعوے پر قانونی جنگ کا سامنا ہے۔
الطاف حسین نے برطانیہ کی عدالت میں لندن کی جائیدادوں پر جاری قانونی جنگ میں اپنی قانونی ٹیم پر اعتماد کا اظہار کرتے ہوئے کہاکہ ملک بھر کے لاکھوں کارکنان ان کیلیے دعائیں کررہے ہیں ،انشااللہ وہ اس مقدمے میں کامیاب ہوں گے، یہ پریشانیاں جھیلنی پڑتی ہیں، گھبرانہ نہیں چاہیے۔
Ghabrana nahi hai, says @AltafHussain_90 at the start of trial brought against his 7 london properties by his former devotees now assembled in MQM-Pakistan pic.twitter.com/RN9sDfCuYD
— Murtaza Ali Shah (@MurtazaViews) November 28, 2022
الطاف حسین کے سابق قریبی ساتھی ندیم نصرت برطانیہ کی عدالت میں پیش ہوئے اور اپنا موقف پیش کیا کہ لندن کی 7 جائیدادیں ایم کیو ایم لندن یا ایم کیو ایم پاکستان کی نہیں بلکہ ایم کیو ایم کے شہدا کے خاندانوں کی ہیں۔ جیو نیوز کے رپورٹر مرتضیٰ علی شاہ نے کہا کہ الطاف حسین اپنے شواہد بعد میں دیں گے۔
Once chief lieutenant of Altaf Hussain, @nadeem_nusrat appears before UK High Court to give his position that 7 London properties don’t belong to MQM-London or MQM-Pakistan but to the families of MQM martyrs. @AltafHussain_90 will give his evidence later pic.twitter.com/3RThc1zhWC
— Murtaza Ali Shah (@MurtazaViews) November 28, 2022
دوسری جانب ایم کیو ایم پاکستان نے بلدیاتی انتخابات کے بائیکاٹ کی افواہوں کو مسترد کردیا۔ایک بیان میں، متحدہ قومی موومنٹ پاکستان نے بلدیاتی انتخابات کے بائیکاٹ کی افواہوں کو بے بنیاد قرار دیا۔
نجی ٹی وی چینلز پر ایم کیو ایم کی جانب سے بلدیاتی انتخابات کے بائیکاٹ کی خبریں بے بنیاد ہیں،ایم کیو ایم پاکستان
نجی ٹی وی چینلز سے درخواست ہے جھوٹی خبریں پھیلانے کے بجائے خبر کی تصدیق کرلیا کریں،ایم کیو ایم پاکستان@allaboutmqm
— MQM Pakistan (@MQMPKOfficial) November 28, 2022
ایم کیو ایم پاکستان کا کہنا ہے کہ اپنے فائدے کے لیے جھوٹی خبریں پھیلا کر سیاسی جماعت کی ساکھ کو نقصان پہنچانا ایک غیر اخلاقی عمل ہے،ایم کیوایم پاکستان نے مزید کہا کہ وہ بلدیاتی انتخابات میں بڑھ چڑھ کر حصہ لے گی، سندھ بھر میں اس کے کارکنان اور حامی بلدیاتی انتخابات کی تیاریوں میں مصروف ہیں۔
تجزیہ کاروں نے سوال کیا کہ ایم کیو ایم کے بانی الطاف حسین نے کس بنیاد پر بلدیاتی انتخابات کا بائیکاٹ کرنے کا دعویٰ کیا اور انہیں قومی سیاست میں نمایاں کرنے کے پیچھے کون سے عناصر کارفرماہیں۔
ایم کیو ایم پاکستان شہری سندھ کو نومولود سیاسی شعبدے بازوں اور منافقوں کا تر نوالہ نہیں بننے دے گی،ایم کیو ایم پاکستان
سندھ بھر میں ایم کیو ایم پاکستان کے لاکھوں کارکنان اور ہمدرد بلدیاتی انتخابات کی تیاریوں میں مصروف ہیں،ایم کیو ایم پاکستان @allaboutmqm
— MQM Pakistan (@MQMPKOfficial) November 28, 2022
ان کا کہنا تھا کہ ایم کیو ایم پاکستان کے لیے یہ ایک اور امتحان ہوگا کہ وہ پہلے انتخابی مقابلوں میں پے در پے ناکامیوں کا سامنا کرنے کے بعدالطاف حسین کے اعلان کے بعد اپنے مضبوط گڑھ کراچی اور حیدرآباد میں اپنی سیاسی طاقت ثابت کرے۔
چند روز قبل کراچی میں متحدہ قومی موومنٹ (ایم کیو ایم) کے بانی الطاف حسین کے حق میں بینرزآویزاں کیےگئے تھے جن کی تصاویر ان صحافیوں نے بھی شیئر کیں جو خود ساختہ جلاوطن سیاستدان کی قومی سیاست میں واپسی کے لیے مہم چلاتے ہوئے پائے گئے۔
تجزیہ کاروں نے سوال کیا کہ حسین کو قومی سیاست میں واپس لانے کی پوری مہم کے پیچھے ایسے عناصر ہیں جب ملک عام انتخابات میں داخل ہونے کی تیاری کر رہا ہے۔